Սև պեննի

Սև պեննի
անգլերեն՝ Penny Black
Թողարկող երկիր	Մեծ Բրիտանիա
Թողարկման օր	մայիսի 6 1840
Թողարկման վայրը	Լոնդոն
Նկարիչ	Հենրի Քոուլ (Henry Cole)
Տպագրման տեսակ	մետալոգրաֆիա
Տպաքանակ	68 808 000
Պահպանվել է	Տպաքանակի 2-3%
Հազվագյուտ. պատճառ	{{{Հազվագյուտ պատճառ}}}
Անվանագին	Մեկ պեննի
Գնահատում	Մարված / Չմարված 275 $ / 6000 $ (Սկոտտ) 275-375₤ / 6500-8500₤ (Գիբոնս)

Սև պեննի (անգլերեն՝ Penny Black) - Աշխարհի առաջին նամականիշն է: Կատարված է սև գույնով և անվանագինը մեկ պեննի է (այստեղից էլ անվանումը): Թողարկվել է Անգլիայում 1840 թվականի մայիսի 6-ին:

Նկարագիրը

Թագուհի Վիկտորիայի (Queen Victoria, 1819-1901) կիսադեմով նկարը առաջին փոստային նամականիշի համար փորագրել են Չարլզ և Ֆրեդերիկ Հիթերը (Charles and Fredrick Heath) ըստ Հենրի Քոուլի (Henry Cole) էսքիզի, որը իր հերթին արտանկարված էր Ուիլյամ Վայոնի (William Wyon, 1795-1851) ստեղծած մեդալյոնից:

Թողարկման պատմությունը

Ռոուլենդ Հիլլի (Rowland Hill) ջանքերով 1840 թվականի մայիսի 6-ին թողարկվեցին աշխարհի առաջին փոստային նամականիշերը, որոնք պատմության մեջ մտան «Սև պեննի» անունով: Առաջին նամականիշի և ծրարի ստեղծման մրցույթին ներկայացված էր ավելի քան 2700 առաջարկություն, որից ընտրվեց Չարլզ և Ֆրեդերիկ Հիթերների և Հենրի Քոուլի նախագիծը:

Նամականիշերը վաճառվել են մայիսի 1-ից, նախքան թողարկման պաշտոնական առաջին օրը: Միաժամանակ թողարկվել էր երկու պեննի անվանագնով նամականիշ՝ նույն նկարով, բայց տպվել է կապույտ գույնով: «Կապույտ երկու պենսանոցը» հիշատակվում է 1840 թվակաանի մայիսի 8-ին, որը կարող է նշանակել, որ վաճառել են «Սև պեննի»-ից երկու օր ուշ:

Փոստային ռեֆորմը նպաստեց Անգլիայում նամակագրության աճին (1939 թ. - 75 մլն, 1840 թ. - 168մլն), հեշտացրեց փոստային առաքումների մշակումը, վճարման հաշվարկը: Ռոուլենդ Հիլլը 1854 թվականին ընտրվեց անգլիական փոստային ծառայության գլխավոր քարտուղար և անգլիական կառավարությունից ստացավ նվեր՝ 20000₤, փոստային ռեֆորմի հաջողության համար: Լոնդոնում տեղադրվել է Ռոուլենդ Հիլլի հուշարձանը, իսկ աճյունը հանգչում է Վեստմինիստրյան աբբայությունում՝ աշխարհում առաջին շոգեմեքենայի գյուտարար Ջեյմս Ուատտի (James Watt) կողքին:

Տպվել է 286700 թերթ՝ 68808000 նամականիշ: Այն ժամանակ ծրարի օգտագործումը տարածված չէր՝ նամականիշը կպցվում էր ծալված և կնքված նամակի վրա, եթե նամակը չէին գցում , ապա նամականիշը պահպանվում էր: Պահպանվել է ողջ տպաքանակի մոտ 3%, որը քիչ չէ: Նամականիշը բարձր է գնահատվում, առաջինը լինելու պատճառով:

Արտաքին հղումներ

Ջեյկոբ Պերկինսի (Jacob Perkins) տպագրական հաստոցը, որով տպվել է «Սև պեննի»-ն

• «Ֆիլատելիայի աշխարհը» (ռուս.)
  • «Փոստային նամականիշի նախորդները» (ռուս.)
  • «Փոստային նամականիշի ծնունդը» (ռուս.)
  • «Լեգենդար Նամականիշեր» (ռուս.)
  • «Հանրահայտ կեղծիքներ» (ռուս.)
• «Սըր Ռոուլենդի փողերը» — Նիկոլայ Չելանկի հոդվածը (ռուս.)
• «The Intertwining of Philatelic and Social History» — Ֆիլատելիայի պատմությունից(անգլ.)

Նշումներ

Մեդիաֆայլեր այստեղ՝ Սև պեննի