Սոկոտո (նահանգ)
Անվան այլ կիրառումների համար տե՛ս՝ Սոկոտո
 | |
|---|---|
 | |
| Երկիր |  Նիգերիա |
| Կարգավիճակ | Նիգերիայի նահանգ |
| Մտնում է | Նիգերիա |
| Վարչկենտրոն | Սոկոտո (քաղաք) |
| Օրենսդրական մարմին | Sokoto State House of Assembly? |
| Պաշտոնական լեզուներ | անգլերեն |
| Բնակչություն | ▲4 998 090 մարդ (2016)[1] |
| Տարածք | 25 973 կմ² |
 | |
| Հիմնադրված է | փետրվարի 3, 1976 թ. |
| Սահմանակցում է | Zamfara State? և Kebbi State? |
| Ժամային գոտի | UTC+1 |
| Փոխարինեց | North-Western State? |
| ISO 3166-2 կոդ | NG-SO |
| Անվանված է | Sokoto River? |
| sokotostate.gov.ng | |
Սոկոտո[2] (անգլ.՝ Sokoto State), նահանգ Նիգերիայում։ Ըստ 2006 թվականի մարդահամարի տվյալների՝ բնակչության թիվը կազմում է 3 702 676 մարդ[3]։ Վարչական կենտրոնը Սոկոտո քաղաքն է։
Կլիմա[խմբագրել | խմբագրել կոդը]
Նահանգը գտնվում է սավաննայի գոտում։ Այստեղ տարին ունի երկու եղանակ՝ չոր և անձրևոտ։ Չոր եղանակն սկսվում է հոկտեմբերից և տևում մինչև ապրիլ ամիսը (իսկ երբեմն էլ՝ մինչև հունիս ամիսը)։ Անձրևային եղանակն իր հերթին մայիսից տևում է մինչև սեպտեմբեր կամ հոկտեմբեր ամիսները[4]։ Մեկ տարվա ընթացքում տեղումների ընդհանուր քանակը 500-ից 1300 մմ է։
Պատմություն[խմբագրել | խմբագրել կոդը]
19–րդ դարում Սոկոտոյի խալիֆայությունը տեղակայված է եղել ժամանակակից պետության տարածքում։ 1903 թվականին այդ տարածքը գրավվել է բրիտանական զորքերի կողմից՝ բարոն Ֆրեդերիկ Լուգարդի գլխավորությամբ[5]։ Ձևավորվել է Հյուսիսային Նիգերիայի գավառը, որն ընդգրկել է Սոկոտոյի այժմյան նահանգի տարածքը։ 1967 թվականին՝ Նիգերիայի անկախացումից հետո, երկիրը բաժանվել է նահանգների[4]։ 1976 թվականին տարածքային բարեփոխումների արդյունքում, Հյուսիսարևմտյան նահանգը բաժանվել է երկու՝ Սոկոտո և Նիգեր նահանգների։ 1991 թվականին նահանգից առանձնացվել է նոր նահանգ՝ Կեբին, իսկ 1996 թվականին ևս մեկը՝ Զամֆարան[4]։
Բնակչություն[խմբագրել | խմբագրել կոդը]
Նահանգի բնակչությունը, ըստ 2006 թվականի մարդահամարի արդյունքների, կազմում է 3 702 676 մարդ։ Մարզում գերակշռում են հաուսա և ֆուլբե էթնիկ խմբերը, ինչպես նաև՝ տուարեգներ և զաբարմավաներ[4]։ Հավատացյալների մեծ մասը սուննիներ են (կան նաև շիա իսլամական փոքրամասնություններ)։
Իշխանություն և վարչական բաժանում[խմբագրել | խմբագրել կոդը]
Նահանգը բաժանված է քսաներեք տեղական կառավարման տարածքների, նահանգապետ՝ Aminu Waziri Tambuwal[6]։
Էկոնոմիկա[խմբագրել | խմբագրել կոդը]
Նահանգի բնակիչների ավելի քան 80% -ը զբաղվում է գյուղատնտեսությամբ։ Հիմնականում անձնական կարիքների համար աճեցվում են կարտոֆիլ, մանիոկա, գետնընկույզ, եգիպտացորեն և բրինձ, ինչպես նաև՝ ցորեն, բամբակ, ծխախոտ և տարբեր բանջարեղեններ վաճառքի համար[7]։ Տեղաբնիկները նաև զբաղվում են ձկնորսությամբ, զարգացած են տարբեր արհեստներ, ինչպիսիք են՝ դարբնություն և կաշվե իրերի արտադրություն։
Գյուղատնտեսական արտադրանքը, ինչպես նաև՝ արաբական խեժը, որը ևս այդտեղ է արտադրվում, պահանջարկ ունեն ոչ միայն նահանգում, այլ նաև երկրի մնացած տարածքներում[7]։
Նահանգի տարածքը հարուստ է օգտակար հանածոներով։ Այստեղ արդյունահանում են ֆոսֆորիտ (լուսածնահանք), կրաքար, կաոլին, կավի տեսակներ, ավազ և այլն[7]։
Շնորհիվ այն բանի, որ, ի տարբերություն արևադարձային Աֆրիկայի շատ այլ երկրների և տարածքների, նահանգում ցեցե գոյություն չունի։ Այդտեղ շատ զարգացած է անասնաբուծությունը։ Անասունների գլխաքանակը հաշվվում է 8 միլիոն, և ըստ այս ցուցանիշի՝ նահանգը երկրում զբաղեցնում է երկրորդ տեղը[7]։
Սոկոտոյում զարգացած է ալյուրաղացման արդյունաբերությունը, լոլիկի պահածոյացման, շաքարավազի արտադրությունը, տեքստիլ արտադրանքը, սոսինձը, ինչպես նաև՝ կաշվե դաբաղումը և գործվածքների ներկումը[7]։
Զբոսաշրջություն[խմբագրել | խմբագրել կոդը]
Նահանգում, հատկապես նրա վարչական կենտրոնում՝ Սոկոտո քաղաքում, տեղակայված են տեսարժան վայրերի և ճարտարապետական հուշարձանների մի ամբողջ շարք, որոնք պահպանվել են 19–րդ դարից՝ Սոկոտո անկախ պետության գոյության շրջանից։ Յուրաքանչյուր տարի նահանգ են այցելում հազարավոր զբոսաշրջիկներ։ Առկա են յոթ հյուրանոցներ[8]։
Ծանոթագրություններ[խմբագրել | խմբագրել կոդը]
- ↑ 1,0 1,1 https://nigerianstat.gov.ng/download/775
- ↑ Կաղապար:Ռուսերեն գիրք:Географический энциклопедический словарь
- ↑ Population by State and Sex National Population Comission
- ↑ 4,0 4,1 4,2 4,3 «About Sokoto» (անգլերեն). Sokoto State Government, Nigeria. Արխիվացված է օրիգինալից 2011 թ․ հուլիսի 24-ին. Վերցված է 2012 թ․ հուլիսի 4-ին.
- ↑ «British Conquest of the Sokoto Caliphate 1903» (անգլերեն). Wars of the World. Արխիվացված է օրիգինալից 2011 թ․ հունվարի 12-ին. Վերցված է 2010 թ․ նոյեմբերի 6-ին.
- ↑ «Governor's Office» (անգլերեն). Sokoto State Government, Nigeria. Արխիվացված է օրիգինալից 2020 թ․ մարտի 1-ին. Վերցված է 2020 թ․ մարտի 1-ին.
- ↑ 7,0 7,1 7,2 7,3 7,4 «Investments» (անգլերեն). Sokoto State Government, Nigeria. Արխիվացված է օրիգինալից 2011 թ․ հուլիսի 24-ին. Վերցված է 2012 թ․ հուլիսի 4-ին.
- ↑ «Hotels & Tourism» (անգլերեն). Sokoto State Government, Nigeria. Արխիվացված է օրիգինալից 2011 թ․ հուլիսի 24-ին. Վերցված է 2012 թ․ հուլիսի 4-ին.
 | Վիքիպահեստն ունի նյութեր, որոնք վերաբերում են «Սոկոտո (նահանգ)» հոդվածին։ |
| ||||||||||
