Սկետչ (անգլ․ sketch, բառացի՝ էսքիզ, ճեպանկար), երկու, հազվադեպ նաև երեք գործող անձով կարճ պիես։ Տարածում է գտել 19-րդ դարում և 20-րդ դարի սկզբին՝ հատկապես էստրադայում։ Սկետչի ճանաչված հեղինակներից են՝ Բարրին, Շոուն, Պրիստլին (Մեծ Բրիտանիա), Սարոյանը, Տերբերը (ԱՄՆ), Կուրտելինը (Ֆրանսիա), Ա․ Ավերչենկոն, Չեխովը (Ռուսաստան), սովետական շրջանում՝ Արդովը, Բուխովը, Գորինը, Մասսը, Պոլյակովը և ուրիշներ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
