Սիմեոն Հախումյան

Սիմեոն Հախումյան
Ծնվել է	փետրվարի 4, 1859(1859-02-04)
Ծննդավայր	Շուշի, Շամախիի նահանգ, Ռուսական կայսրություն
Վախճանվել է	փետրվարի 14, 1905(1905-02-14) (46 տարեկան)
Վախճանի վայր	Փարիզ
Մասնագիտություն	հրապարակախոս, գրող և թարգմանիչ
Ազգություն	հայ
Քաղաքացիություն	Ռուսական կայսրություն
Կրթություն	Շուշիի թեմական հոգևոր դպրոց, Գևորգյան Հոգևոր Ճեմարան (1878) և Փարիզի համալսարան (1901)
Աշխատավայր	ժամանակ
Սիմեոն Հախումյան Վիքիդարանում

Սիմեոն Գասպարի Հախումյան (փետրվարի 4, 1859(1859-02-04), Շուշի, Շամախիի նահանգ, Ռուսական կայսրություն - փետրվարի 14, 1905(1905-02-14), Փարիզ), հայ հրապարակախոս, գրող, թարգմանիչ։

Կենսագրություն

Ավարտել է Շուշիի թեմական դպրոցը, 1875-1878 թվականներին սովորել էջմիածնի Գևորգյան ճեմարանում։ 1900-1901 թվականներին հաճախել է Փարիզի Սորբոնի համալսարանի բժշկական ֆակուլտետը, միաժամանակ Կոլեժդը Ֆրանսում ունկնդրել սոցիոլոգիայի դասախոսություններ։ 1879-1884 թվականներին եղել է ուսուցիչ Կարսում, Շուշիում, Թավրիզում։ 1882-1884 թվականներին Շուշիում, ապա Թիֆլիսում հրատարակել է «Գործ», իսկ 1901-1902 թվականներին Փարիզում՝ «ժամանակ» հանդեսները։ 1895 -1896-ին ղեկավարել է Թիֆլիսի հայկական թատերական խումբը, 1897-1898 թվականներին եղել է Բաքվի հայկական մշտական թատրոնի ռեժիսորը։ Աշխատակցել է ժամանակի պարբերական մամուլին։ Ստորագրել է Ահրիման, Մար-Ամադ, Ծերուկ և այլ ծածկանուններով։ Մամուլում հանդես է եկել ինքնուրույն և թարգմանական բանաստեղծություններով, արձակ գործերով։ Առանձին գրքերով հրատարակվել են Հախումյանի «Մանիկ» վիպակը (1889), Էդգրեն Լեֆլերից, Իբսենից, Օ․ Շմիդտից կատարած թարգմանությունները։

Գրականություն

• Մխիթարյան Մ., XIX դարի երկրորդ կեսի արևելահայ պարբերական մամուլի պատմությունից, Ե., 1976:

Երկեր

• Մանիկ, վիպակ, 1889։

Ծանոթագրություններ

Վիքիդարանն ունի նյութեր, որոնք վերաբերում են «Սիմեոն Հախումյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 55)։