Սառնաղբյուր
| Գյուղ
Սառնաղբյուր
|
|||||||||||||||||||||||
Սառնաղբյուր, գյուղ Հայաստանի Շիրակի մարզի հարավ-արևելյան մասում, ծովի մակարդակից 2000 մ բարձրության վրա: Նախկինում` Ուռենուտ, Սոգյուտլի (Սոգթլու):
Գյուղը ունի մի շարք պատմական կոթողներ, որոնք հավանաբար վկայում են, որ գյուղի տարածքը նախկինում բնակեցված է եղել։ Դրանցից են 5-րդ դարի Սուրբ Հակոբ և Կարմիր Վանք եկեղեցիները (12-րդ դար): 1883 թ.-ին կառուցվել է Թադևոս Առաքյալ եկեղեցին, որը այժմ գործող է:
Գյուղը ունի արհեստական ջրամբար, որը ոռոգում է Անիի տարածքի 1000 հա հողատարածությունը։
Գյուղում կա նաև հնավայր, Կալաչի կամ Ղալաչի կոչվող բլրի վրա առկա են բազմաթիվ վկայություններ հնավայրի գոյությունը ապացուցող, սակայն առայժմս այն ոչ մի հնագիտական ուսումնասիրությունների չի ենթարկվել։ Գյուղի անվանացանկում կարելի է թվարկել նաև Գյոդիքենդի և Սյոգութլի կամ Սոգթլու անունները, որոնք տրվել են թուրքերի կողմից 1918 թ.-ի մայիսյան հերոսամարտերի ժամանակ, ի դեպ պետք է փաստել, որ գյուղը բավականին լուրջ դիմադրություն է ցույց տվել թուրքական ջարդարարներին 1918 թ.-ի մայիսի 18–23 կամ 24–ը ընկած ժամանակահատվածում։ Այս դեպքերի վերաբերյալ կան բազմաթիվ վկայություններ։ Գյուղը բավականին մեծ տարածք ունի։ Սառնաղբյուրում են գտնվում մի շարք սառնորակ աղբյուրներ։ Դրանցից հիշարժան են «Կատնով աղբյուր», «Թմոյի աղբյուր», «Ձորի Աղբյուր», «Կանալ», «Բռդի աղբյուր» և այլ աղբյուրները։ Սառնաղբյուրում գտնվում է նաև քարհանք, որտեղ կա վարդագույն տուֆ և ավազի հանք «Բողթլու» անունով։
Ծանոթագրություններ [խմբագրել]
 |
Սա Հայաստանի աշխարհագրության մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
