Ջրառվույտ եռատերև
Ջրառվույտ եռատերև | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Menyanthes trifoliata
|
Ջրառվույտ եռատերև (լատին․՝ Menyanthes trifoliata) մելանթազգիների ընտանիքին պատկանող դեղաբույս, գրանցված է Հայաստանի բույսերի Կարմիր գրքում։
Նկարագրություն[խմբագրել | խմբագրել կոդը]
Երկար սողացող հատվածավոր կոճղարմատով (որից դուրս են գալիս հավելյալ արմատները), ճահճային բազմամյա խոտաբույս է, որի բարձրությունը 15-35 սմ է։ Մինչև 30 սմ երկարությամբ, եռամասնյա հերթադիր տերևները խոշոր են՝ ցողունագիրկ տերևապատյաններով։ Ամբողջաեզր, երկարավուն-ձվաձև տերևիկները մուգ կանաչ են։ Կոճղարմատից աճող տերևազուրկ ցողունի գագաթին գտնվող խիտ և երկար ողկույզանման ծաղկաբույլը կազմված է գեղեցիկ, հնգանդամ սպիտակ կամ վարդագույն ծաղիկներից։ Պսակը ձագարաձև է, բաժակը կազմված է միաձուլված թերթիկներից։ Պտուղը խոշոր սերմերով երկփեղկավոր տուփիկ է[1]։
Տարածվածություն[խմբագրել | խմբագրել կոդը]
Աճում է նախալեռնային գոտու, ստորին և միջին լեռնային գոտիների կանգնած ջրերում, ճահիճներում։ Հանդիպում է Գեղարքունիքի, Վայոց ձորի մարզերում[1]։
Նշանակություն[խմբագրել | խմբագրել կոդը]
Բուժական նպատակներով օգտագործում են դառը գլիկոզիդներ (մենիանթին), ալկալոիդ գենցիանին, ֆլավոնոիդներ, C վիտամին, սապոնիններ, դաբաղանյութեր պարունակող տերևները։ Դառը ոգեթուրմը կիրառում են հազի մրսածության հետևանքով առաջացած հիվանդությունների, սակավարյունության, ռևմատիզմի, հոդատապի, գեղձախտի, որքինի և այլ մաշկային հիվանդությունների բուժման համար[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |