Ջոնաթան Քերոլ

Ջոնաթան Քերոլ
Ծնվել է	հունվարի 26, 1949[…] (75 տարեկան)
Ծննդավայր	Նյու Յորք, Նյու Յորք, ԱՄՆ
Մասնագիտություն	գրող և վիպասան
Քաղաքացիություն	ԱՄՆ
Կրթություն	Ռատգերսի համալսարան և Վիրջինիայի համալսարան
Պարգևներ	Grand Prix de l'Imaginaire Ֆենտեզի համաշխարհային մրցանակ լավագույն վիպակի համար և Ավգուստ Դերլեթի մրցանակ
Զավակներ	Ryder Carroll?
Կայք	jonathancarroll.com
	Jonathan Carroll Վիքիպահեստում

Ջոնաթան Քերոլ (անգլ.՝ Jonathan Carroll, հունվարի 26, 1949(1949-01-26)^[1]^[2]^[2]^[…], Նյու Յորք, Նյու Յորք, ԱՄՆ^[3]^[4]^[5]), ամերիկացի գրող։ Հիմնականում հայտնի է դարձել շնորհիվ իր վեպերի, որոնք գրվել են մոգական ռեալիզմ ժանրով։ Գրել է նաև պատմվածքներ։

Կոմպոզիտոր Սթիվեն Ռայխի եղբայրն է (մայրական կողմից)։

Կենսագրություն[խմբագրել | խմբագրել կոդը]

Ջոնաթան Սեմյուել Քերոլլը ծնվել է 1949 թվականի հունվարի 26–ին Նյու-Յորքում, ԱՄՆ։ Ծնողներն էին սցենարիստ Սիդնեյ Քերոլլը և դերասանուհի, բանաստեղծ-երգահան Ջուն Քերոլլը, որը մասնակցել է բրոդվեյյան բազմաթիվ բեմադրությունների։ Նրա ծնողները հրեաներ էին, բայց նա մեծացել է որպես քրիստոնեական կրոնի հետևորդ։ Ինքը` Ջոնաթանը, իրեն նկարագրել է որպես «դժվար» դեռահաս։ Լումիսի դպրոցի (Loomis School) ընդհանուր տարրական կրթությունից հետո Կոնեկտիկուտում Քերոլը ընդունվում է Ռատգերսի համալսարանը, որը գերազանց ավարտում է 1971 թվականին։ Նույն թվականին նա ամուսնանում է նկարչուհի Բևերլի Շրայների հետ։ 1974 թվականից ապրել է Վիեննայում։ Մի քանի տարի անց սկսում է դասավանդել գրականություն Ամերիկյան միջազգային դպրոցում։ 1976 թվականին «Երեկույթ Բրենդի մոտ» պատմվածքի հրատարակությունից հետո տեղի է ունենում Քերոլի գրական դեբյուտը, իսկ նրա առաջին վեպը` «Ծիծաղի երկիր»-ը, լույս է տեսնում 1980 թվականին։

«Ծիծաղի երկիր»[խմբագրել | խմբագրել կոդը]

Ռեալիստական վեպը, որ պատմվում է առաջին դեմքով, երիտասարդ ուսուցիչ Թոմաս Էբբիի մասին է, որը ուսումնասիրում է իր պատանեկության սիրած գրքի հեղինակի կենսագրությունը։ Գրքում նկարագրվում է հեղինակի հանդիպումը դստեր հետ իր և իր մահացած հոր, ըստ երևույթին, հորինած Միսսուրիում գտնվող հայրենի քաղաքում՝ Գալենում։ Առերևույթ ամեն ինչ լավ է երևում, քանի դեռ Գալենում շունը չի սկսում խոսել աբբաների հետ։ Աստիճանաբար ջնջվում է Աբբայության հետազոտության միջոցով ստեղծված երևակայական աշխարհի և Գալենի բնակիչների կյանքի միջև եղած սահմանը։ Եվ ընթերցողը սկսում է խորհել՝ որքանով կարելի է վստահել այս պատմողին։ Հաջորդ վեպերում կընդլայնվեն այս թեմաները, սակայն հաճախ հանդես կգան անվստահելի պատմողներ այն աշխարհում, որտեղ մոգությունը ընկալվում է որպես իրականություն։ (Մեկնաբաններից մեկում հայտարարել է, որ «եթե նա լիներ եռաբաղադրիչ անունով լատինաամերիկացի գրող, նրա գրքերը կհամարվեին մոգական ռեալիզմի ժանրից»)։

Մրցանակներ[խմբագրել | խմբագրել կոդը]

Քերոլը Ֆենտեզի համաշխարհային մրցանակի (1988) դափնեկիր է։ Նրա պատմվածքների ժողովածուն արժանացել է Բրեմ Ստոկերի մրցանակի (1995), իսկ «Շների թանգարանից դուրս» վեպ Բրիտանական ֆանտազիա մրցանակի է արժանացել։ Քերոլի «Տունը անձրևի տակ» պատմվածքը Պուշկարտի մրցանակային կոմիտեի կողմից ճանաչվել է որպես տարվա լավագույն պատմվածքներից մեկը, իսկ 1989 թվականին նրա «Ծիծաղի երկիր» վեպը արժանացել է ֆրանսիական «Ապոլլո» մրցանակի:

Մատենագրություն[խմբագրել | խմբագրել կոդը]

1980 - Ծիծաղի երկիր / The Land of Laughs
1983 - Մեր ստվերի ձայնը / Voice of Our Shadow
1987 - Լուսնի ոսկորները / Bones of the Moon
1988 - Նինջ բոցերի մեջ/ Sleeping in flame
1989 - Երեխան երկնքի միջով / A Child Across the Sky
1990 - Սև կոկտեյլ / Black Cocktail )
1991 - Շների թանգարանից դուրս / Outside the Dog Museum
1993 - Լռությունից հետո/ After silence
1993 - Ատամի փերիներից /From the Teeth of Angels
1995 - / The Panic Hand (պատմվածքների ժողովածու)
1997 - Համբուրել փեթակը / Kissing The Beehive
2000 - Ձողերի հարսանիքը / The Marriage of Sticks
2001 - Փայտե ծով / The Wooden Sea
2002 - Սպիտակ խնձորներ / White Apples
2005 - Ապակե ապուր/ Glass Soup
2008 -Սիրահարված ուրվականը / A Ghost In Love

Ծանոթագրություններ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ջոնաթան Քերոլ» հոդվածին։

Արտաքին հղումներ[խմբագրել | խմբագրել կոդը]

Ջոնաթան Քերոլի պաշտոնական կայք(անգլ.)

[_460371534b7b53cc-1] 1,0 ^1,1 Internet Speculative Fiction Database — 1995.

[_01d8c1a2c33f3913-2] 2,0 ^2,1 ^2,2 ^2,3 NooSFere (ֆր.) — 1999.

[_b87ce76000ed1a41-3] 3,0 ^3,1 ^3,2 https://www.sfsite.com/05a/jc103.htm

[_3892004f591ae6f3-4] 4,0 ^4,1 ^4,2 http://www.jonathancarroll.com/interviews/edge.html

[_fe49f14817462d53-5] 5,0 ^5,1 ^5,2 http://www.viennalit.at/events2006.html

[_ebf2624ceb49fd4d-6] ttps://www.nytimes.com/books/01/02/11/reviews/010211.11cheuset.html

[_28c6a1d5ed869a23-7] ttp://www.nytimes.com/books/01/02/11/reviews/010211.11cheuset.html

[_21d52891592776bb-8] ttps://locusmag.com/2021/03/jonathan-carroll-mr-breakfast/

[1]

[2]

[3]

[4]

[5]

[6]

[7]

[8]