Ուսամա բեն Լադեն

Վիքիպեդիայից՝ ազատ հանրագիտարանից
Ուսամա բեն Լադենը

Ուսամա բեն Մոհամեդ բեն Աուատ բեն Լադեն (արաբերեն՝ أسامة بن محمد بن عوض بن لادن), ծնվել մարտ 10, 1957[1] - մայիսի 2, 2011), հաճախ կոչվել Ուսամա բեն Լադեն կամ Օսամա բեն Լադեն, Ալ Քաիդա ահաբեկչական կազմակերպության հիմնադիրներից է, և հայտնի է ԱՄՆ-ի վրա սեպտեմբեր 11-ի հարձակումների և բազմազան այլ ահաբեկչական հարձակումների համար։

Կենսագրություն[խմբագրել]

Ուսամա Բեն Լադենը ծնվել է 1957թ. մարտի 10–ին Սաուդյան Արաբիայի Ջիդդա քաղաքում։ Միլիարդատեր Մուհամմեդ բեն Լադենի 17–րդ զավակն էր։ 1968թ․–ին ընդունվում է Al Thagher Model School դպրոց, իսկ 1976–ին՝ Ջիդդայի Աբդ ալ Ազիզ թագավորի անվան համալասարան, որտեղ ուսումնասիրում է տնտեսագիտություն և պետական կառավարում։ Համալսարանում սովորելու ժամանակ Բեն Լադենը ծանոթանում է շեյխ Աբդալլահ Ազամի հետ, որի հետ ստեղծում է «Մաքթաբ ալ Խադամաթ» կազմակերպությունը։ Նպատակը արաբների հավաքագրումն էր՝ Աֆղանստանում սովետական զորքերի դեմ կռվելու համար։ 1988 թ․–ին Բեն Լադենը ստեղծում է «Ալ Կաիդա» (արաբերեն՝ բազա) կազմակերպությունը։ Բեն Լադենն ամուսնացած է եղել 5 անգամ։ Առաջին անգամ ամուսնացել է 1975թ․–ին իր հորեղբոր աղջկա հետ, այնուհետ ՝ ևս 3 կնոջ հետ։ Զավակների թիվը անհայտ է, տարբեր տվյալներով՝ 12–24 երեխա ունի։ Սպանվել է 2011թ. մայիսի 2–ի առավոտյան Պակիստանի մայրաքաղաք Իսլամաբադից 100 կմ հեռավորության վրա գտնվող Աբոտաբատ քաղաքում, ամերիկացի զինվորների իրականացրած հատուկ գործողությունների ժամանակ։


Նշումներ[խմբագրել]