Շորթհոռն (տավարի ցեղ)

Վիքիպեդիայից՝ ազատ հանրագիտարանից
Կարմիր Շորթհոռն տեսակի ցուլ
Խայտաբղետ Շորթհոռն տեսակի Երինջ

Շորթհոռն տավարի ցեղ, (անգլ․` shorthorn—կարճեղջյուր), մսատու և կաթնամսատու ցեղ։ Բուծվել է 18-րդ դարում, Անգլիայում, տեղական կարճեղջյուր տավարի բարելավման միշոցով (հոլանդական և հալովեյան ցեղերի արյունախառնմամբ, ինչպես նաև ըստ մսային, իսկ 19-րդ դարի կեսերին՝ կաթնային հատկանիշների կենդանիների ընտրության)։ Ունի մսատու և կաթնամսատու տիպեր։ Թույրը՝ սպիտակ, մուգ կարմիր, երբեմն՝ խայտաճամուկ։ Եղջյուրները կարճ են, երբեմն՝ անեղջյուր։ Ցուլերի կենդանի զանգվածը՝ 800-950 (առավելագույնը՝ 1200), կովերինը 500-600 կգ է։ Սպանդային ելքը 58—65% է։ Վաղահաս է։ Կաթնամսատու կովերի կաթնատվությունը 3500-4000 կգ է (առավելագույնը՝ 14 հզ․ կգ), կաթի յուղայնությունը՝ 3,7-3,9% ։ Ռուսաստան է ներմուծվել 19-րդ դարի և օգտագործվել բեստուժևյան, հետագայում՝ կուրգանյան ցեղերի ստացման համար։ Շորթհոռները բուծվում են եվրոպական երկրներում, հարավային և Հյուսիսային Ամերիկայում (ԱՄՆ-ում դրա մասնակցությամբ ստացվել է սանտա-գերտրուդ ցեղը), Ավստրափայում, Նոր Զելանդիայում, ԽՍՀՄ-ում՝ Ռոստովի, Տյումենի, Օրենբուրգի, Վոլոգդայի մարզերում և Բաշկիրիայում։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png