Յոզեֆա Իդեմ

Յոզեֆա Իդեմ; իտալ.՝ Josefa Idem
Ծնվել է	սեպտեմբերի 23, 1964 (59 տարեկան)
Ծննդավայր	Goch, Կլևե, Դյուսելդորֆ, Հյուսիսային Հռենոս-Վեստֆալիա, Գերմանիայի Ֆեդերատիվ Հանրապետություն
Քաղաքացիություն	Գերմանիա և Իտալիա
Մայրենի լեզու	իտալերեն
Մասնագիտություն	քաղաքական գործիչ և կանոեի թիավար
Ամուսին	Գուգլիելմո Գուերինի
Զբաղեցրած պաշտոններ	Իտալիայի սենատոր, Հավասար հնարավորությունների առանց պորտֆել նախարար, Minister for Sport? և Italian Minister for Youth Policies?
Կուսակցություն	Դեմոկրատական կուսակցություն
Պարգևներ և ; մրցանակներ	և
Կայք	josefaidem.info
	Josefa Idem Վիքիպահեստում

Յոեֆա Իդեմ^[3] (գերմ.՝ Josefa Idem, ծնվ.՝ 1964 թ. սեպտեմբերի 23 Գերմանիա, Գոխ), Գերմանիայի և Իտալիայի բայդարկա վարող, 2000 թվականի օլիմպիական չեմպիոն և աշխարհի բազմակի չեմպիոն։ Պատմույան մեջ առաջիկ կինն է, որ մասնակցել է 8 Օլիմպիական խաղերի (1984—2012թվականեր)^[4]։ «Իտալիայի Հանրապետությանը մատուցած ծառայությունների համար» շքանշանակիր է։ Կարիերան ավարտել է 2012 թվականին։

2001-2007 թվականներին Ռավեննայի ձախ կենտրոնամետ կոալիցիայի քաղաքային խորհրդի անդամ է եղել։ 2013 թվականից Իտալիայի կոալիցիոն կառավարությունում հավասար հնարավորությունների, սպորտի և երիտասարդական քաղաքականության հարցերով զբաղվող առանց պորտֆելի նախարար էր։ 2013 թվականի հունիսի 24-ին, հարկերի սխալ վճարման պատճառով հարկադրված Է եղել թողնել իր պաշտոնը^[5]։

Սպորտային կենսագրություն[խմբագրել | խմբագրել կոդը]

Կարիերայի սկզբում հանդես է եկել Գերմանիայի հավաքականում, սակայն 1988 թվականինին տեղափոխվել է Իտալիա՝ գլխավոր մարզիչ Գուլելմո Գուերինիի մոտ։ 1990 թվականին ամուսնացել է Գուերինիի հետ և 1992 թվականից (այլ տվյալներով ՝ 1990 թվականից) սկսել է հանդես գալ Իտալիայի հավաքականում։

2000 թվականին Սիդնեյում հաղթել է իր կարիերայի միակ օլիմպիական ոսկին՝ եզրափակիչում շրջանցելով միայնակ-բայդարկաներ վարողներ կանադացի Կարոլին Բրյունեին և ավստրալիացի Քեթրին Բորչերտին։ 2004 թվականին Աթենքում զիջում է միայն հունգարուհի Նատաշա Յանիչին, իսկ 4 տարի անց Պեկինում 44-ամյա Իդեմը 0,004 վայրկյանով պարտվում է 25-ամյա ուկրաինուհի Իննա Օսիպենկո-Ռադոմսկայային։ 2012 թվականին Լոնդոնում առաջին կինն էր, որ մասնակցել է 8 օլիմպիադաների՝ եզրափակիչում 500 մետր վազքի միայնակ բայդարկաների եզրափակչում գրավելով 5-րդ տեղը։

Աշխարհի առաջնություններում Յոզեֆան արժանացել է ավելի քան 20 մրցանակի, այդ թվում ՝ 5 ոսկե մեդալ. Պոզնան — 1990թ. (500 մ), Փարիզ-1991 թ. (500 մ), Սեգեդ-1998 թ. (1000 մ), Պոզնան-2001 թ. (500 մ և 1000 մ)։