Անտիկ ժամանակներում, երբ Մուղլայի մարզը կրել է «Կարիա» անվանումը, այստեղ եղել է բնակավայր, որը կոչվել է Մոբոլլա։ Ներկայումս բնակավայրից ոչինչ չի մնացել։ Քաղաքը չի ունեցել մեծ նշանակություն, մինչև Օսմանյան կայսրության մաս կազմելը։ 1420 թվականին քաղաքը դարձել է Մենթեշե սանջաքի վարչական կենտրոն, որը Հանրապետական Թուրքիայի ձևավորումից հետո վերանվանվել է Մուղլա։
Ներկայումս Մուղլայում տուրիզմը դանդաղ տեմպերով է զարգանում։ Հիմնականում Մուղլա են գալիս Մարմարիսից, Աքյաքյայից և Իչմելերից։ Մուղլայում առկա է քաղաքային զբոսայգի, ինչպես նաև մի շարք մզկիթներ։ Մուղլան կարող է հետաքրքրել այն զբոսաշրջիկներին, ովքեր ցանկանում են տեսնել թուրքական կենցաղը, առանց երանգների և շքեղության։ Մուղլայում չկան տարադրամի փոխանակման կետեր։ Քաղաքում շրջանառվում է միայն թուրքական լիրա։
Մուղլայի ավտոկայարանը գտնվում է քաղաքի հարավում՝ ժամաշտարակից որոշակի հեռավորության վրա։ Մուղլայից կարելի է գնել տուրիստական ճանապարհորդություններ դեպի Քուշադասը, որի մոտ գտնվում է անտիկ Եփեսոսը։ Մուղլայից կարելի է մեկնել նաև Մարմարիս, Անթալիա, Յաղաթան։
Թուրքիա
