Մխիթար Ալեքսանյան
- Վիքիպեդիայում կան հոդվածներ Ալեքսանյան ազգանունով այլ մարդկանց մասին։
Մխիթար Ալեքսանյան | |
---|---|
Ծնվել է | 1925 |
Ծննդավայր | Տանձատափ, Հայաստան |
Քաղաքացիություն | ԽՍՀՄ |
Կրթություն | Հայկական պետական մանկավարժական համալսարան |
Մասնագիտություն | մանկավարժ |
Պարգևներ և մրցանակներ |
Մխիթար Պատվականի Ալեքսանյան (1925, Տանձատափ, Հայաստան), հայ մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Մխիթար Ալեքսանյանը ծնվել է 1925 թվականին Գորիսի շրջանի Տանձատափ գյուղում, հետո ընտանիքով տեղափոխվել են Ղափանի շրջան։ 1941 թվականին ավարտել է Շրվենանց գյուղի միջնակարգ դպրոցը և մինչև 1943 թվականը աշխատել Աղվանի գյուղի 7-ամյա դպրոցում[1]։
1943 թվականին զորակոչվել է բանակ։ Ծառայել է 106-րդ դիվիզիայի 43-րդ գնդում։ Կատարել է դասակի հրամանատարի տեղակալի և հրամանատարի պարտականությունները։ Մասնակցել է Ուկրաինայի և Լեհաստանի ազատագրման մարտերին։ Հերոսական մարտեր է մղել Ռովնո, Դուբնո, Շեպետովկա, Լուցկ, Կրակով քաղաքներն ազատագրելիս։ Մասնակցել է Արևմտյան Բուգ գետի անցման համար մղված մարտերին[1]։
Պատերազմից հետո Ալեքսանյանը վերադարձել է հայրենի գյուղ և նվիրվել ժողովրդական կրթության շնորհակալ գործին։ Ավարտել է Երևանի հեռակա մանկավարժական ինստիտուտի բանասիրական ֆակուլտետը։ 1960 թվականից Ալեքսանյանը եղել է Աղվանի 8-ամյա դպրոցի տնօրենը և հայ գրականության ուսուցիչը։ Պարգևատրվել է «Մարտական ծառայությունների համար» և այլ մեդալներով։ Ալեքսանյանը եղել է «Ժողովրդական կրթության գերազանցիկ», հասարակական ակտիվ աշխատող[1]։
Պարգևներ[խմբագրել | խմբագրել կոդը]
- «Մարտական ծառայությունների համար» մեդալ
- «Ժողովրդական կրթության գերազանցիկ» կրծքանշան