Մեսրոպ Մաշտոցի հուշարձան (Երևան)

Մեսրոպ Մաշտոցի հուշարձան
Մեսրոպ Մաշտոցի հուշարձան
	; Մեսրոպ Մաշտոցի հուշարձանը
	Ընդհանուր տեղեկություններ
Կարգավիճակ	ՀՀ պետական հուշարձան ID 1.6/81.6
Համայնք	Կենտրոն
Գտնվում է	Մատենադարանի առջև
Բարձրություն	5,6 մ
Քանդակագործ(ներ)	Ղուկաս Չուբարյան
Նյութ	բազալտ
Շինարարության սկիզբ	1962
Շինարարության ավարտ	մայիսի 26, 1962
Ներկա վիճակ	կանգուն ;

Անվան այլ կիրառումների համար տե՛ս՝ Մեսրոպ Մաշտոցի հուշարձան (այլ կիրառումներ)

Մեսրոպ Մաշտոցի հուշարձան, գտնվում է Երևանի կենտրոնում՝ Մեսրոպ Մաշտոցի պողոտայի վերջնամասում՝ Մատենադարանի հարակից հրապարակում, տեղադրվել է 1962-ին։ Ընդգրկված է Երևանի Կենտրոն վարչական շրջանի պատմության և մշակույթի անշարժ հուշարձանների ցանկում։

Հեղինակներ[խմբագրել | խմբագրել կոդը]

Քանդակագործ՝ ԽՍՀՄ գեղարվեստի ակադեմիայի իսկական անդամ Ղուկաս Չուբարյան^[1]

Տվյալներ[խմբագրել | խմբագրել կոդը]

Հուշարձանը կառուցված է բազալտից, բարձրությունը 5,6 մետր է։

Արձանը պատկերում է հայոց այբուբենի հեղինակ Մեսրոպ Մաշտոցին, որի աջ ձեռքի հետևում հայոց գրերն են։ Մաշտոցի կողքին՝ ձախ ոտքի մոտ, ծնկած է նրա աշակերտ Կորյունը։ Հայոց գրերից ձախ, պատին, փորագրված է հայոց այբուբենով գրված առաջին նախադասությունը. «Ճանաչել զիմաստութիւն եւ զխրատ իմանալ զբանս հանճարոյ»։ Կորյունից աջ, պատին, պատկերված է սրով և վահանով արծիվ։

Պատմություն[խմբագրել | խմբագրել կոդը]

Հայոց գրերի ստեղծող Մեսրոպ Մաշտոցի արձանի հանդիսավոր բացումը տեղի է ունեցել 1962 թվականի մայիսի 26-ին Մաշտոցի ծննդյան 1600-ամյակի տոնակատարությունների օրերին^[2]։