Մարիա Կոնոպնիցկա

Վիքիպեդիայից՝ ազատ հանրագիտարանից
19 դարի Կոնոպնիցկայի նկար
Կորնոպնիցկայի նախկին կալվածքը, այժմ` թանգարան Żarnowiec քաղաքում

Մարիա Կոնոպնիցկա (1842-1910 թվականներ), լեհ կին գրող։

Կենսագրություն[խմբագրել]

Ծնվել է 1842 թվականի մայիսի 23-ին Սուվալկի քաղաքում։ Նրա հայրը՝ Ժոսեֆ Վոլնսովսկին, իրավաբան է եղել։ Կոնոպնիցկան ստացել է տնային կրթություն։ Այնուհետև մեկ տարի (1855-1856 թվականներ) սովորել է գիշերօթիկ դպրոցում։ Նա իր առաջին քայլը որպես գրող կատարել է 1862 թվականին «Ձմռան առավոտյան» (W zimowy poranek) ստեղծագործությամբ։ Կոնոպնիցկան հայտնություն է ձեռք բերել «Սարերում» (W górach) ստեղծագործությամբ, որը հրատարակվել է 1876 թվականին և արժանացել Նոբելյան մրացանակի։

Նա ամուսնացել է 1862 թվականին՝ վաղ տարիքում, իրենից 12 տարի մեծ Ջարոսլոու Կոնոպնիցկիի հետ։ Նրանք ունեցան 6 երեխաներ, սակայն նրանց ամուսնությունը հաջողված չէր, քանի որ Կոնոպնիցկայի ամուսինը չէր ընդունում բանաստեղծի կարիերան։ Իր ընկերներից մեկին ուղղված նամակում նա իրեն նկարագրել է, որպես «ընտանիք չունեցող», և «վանդակում փակված թռչուն»։ Այսպիսով նա հեռացավ իր ամուսնուց և գնաց Ուրսու՝ շարունակելու բանաստեղծի կարիերան։ Սակայն այդ բաժանումը օրենքով չէր, և նա իր հետ տանում էր իր երեխաներին։ Նա տեղափոխվեց Ուորսոու 1878 թվականին, սակայն 1890–1903 թվականներին նա ապրել է արտասահմանում։ Նա նաև շրջագայել է Եվրոպայով։ Նրա առաջին ճամփորդությունը եղել է դեպի Իտալիա 1883 թվականին։

Նրա կյանքը բնութագրվել է որպես մրրիկ, արտամուսնական ռոմանսներ, մտավոր հիվանդություններ և մարդկային կորուստներ ընտանիքում և այլն։

1880 թվականների նրա գործերը մեծ ճանաչում գտան Լեհաստանում։ 1884 թվականից նա սկսել է գրել մանկական գրականություն։

Կոնոպնիցկան մահացել է 1910 թվականին Ուկրանիայի Լվիվ քաղաքում հոկտեմբերի 8-ին։

Ստեղծագործություններ[խմբագրել]

Կոնոպնիցկայի ստեղծագործության հիմնական թեման, որ գյուղական ու քաղաքային չքավորության կյանքն է, ի հայտ է եկել դեռևս բանաստեղծությունների առաջին ժողովածուում։ Պրոլետարիատի կյանքին, լեհական ազգային-ազատագրական պայքարի պատմությանն են նվիրված «Ճանապարհին» (1893 թվական), «Նովելներ» (1897 թվական), «Նորմանդական ափին» (1904 թվական) պատմվածքների ժողովածուները, լեհ գյուղացի վտարանդիների ճակատագրին ՝ «Պան Բալցերը Բրազիլիայում» (հրատարակվել է 1910 թվականին) պոեմը։ Մարիան լեհական ռեալիստական գրականության խոշոր վարպետ է։

Կոնոպնիցկային նվիրված հուշարձան Սաքսոն պարտեզում` Լեհաստանի մայրաքաղաք Վարշավայում
Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png