Մանթաշ Գյուլբանդյան

Մանթաշ Գյուլբանդյան;
Ծնվել է	1922
Ծննդավայր	Թափանլի, Հայաստան
Քաղաքացիություն	ԽՍՀՄ
Կրթություն	Հայկական պետական մանկավարժական համալսարան
Մասնագիտություն	մանկավարժ
Պարգևներ և ; մրցանակներ	և

Մանթաշ Սմբատի Գյուլբանդյան (1922, Թափանլի, Հայաստան), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Կենսագրություն[խմբագրել | խմբագրել կոդը]

Մանթաշ Գյուլբանդյանը ծնվել է 1922 թվականին, Սպիտակի շրջանի Թափանլի (այժմ՝ Գեղասար) գյուղում։ Ավարտել է գյուղի 7-ամյա դպրոցը, և ուսումը շարունակել Կիրովականի մանկավարժական տեխնիկումում^[1]։

1941 թվականին, երբ սկսվել է Գերմանա-խորհրդային պատերազմը, Մանթաշը զորակոչվել է կարմիր բանակի շարքերը։ Նրա մարտական ուղին սկսվել է Անդրկովկասյան ռազմաճակատում, հետագայում փոխադրվել է Բելոռուսիա, Արևելյան Պրուսիա, որտեղ մասնակցել է խորհրդային զինված ուժերի ճակատամարտին։ 1945 թվականին մասնակցել է Շտետինի ուղղությամբ մղվող մարտերին, հասնում Բեռլինի մատույցներին։ Մի քանի անգամ արժանացել է Գերագույն գլխավոր հրամանատարի շնորհակալությանը^[1]։

1946 թվականին Մանթաշը զորացրվել է բանակից և անցել մանկավարժական աշխատանքի, միաժամանակ շարունակել է ուսումը հեռակա մանկավարժական ինստիտուտում։

1954-1955 թվականներին աշխատել է Աբովյանի շրջանի Աստղաբերդ գյուղում, իսկ վերջին 35 տարիներին՝ Էջմիածնի շրջանի Նորակերտ գյուղի դպրոցում։ Մարտական և աշխատանքային ծառայությունների համար Գյուլբանդյանը արժանացել է պարգևների՝ «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար», Հաղթանակի 20-ամյակի, Հաղթանակի 30-ամյակի, Խորհրդային զինված ուժերի 60-ամյակի, «Աշխատանքային արիության համար» և «Աշխատանքի վետերան» մեդալների^[1]։

Պարգևներ[խմբագրել | խմբագրել կոդը]

«1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
Հաղթանակի 20-ամյակի մեդալ
Հաղթանակի 30-ամյակի մեդալ
Խորհրդային զինված ուժերի 60-ամյակի մեդալ
«Աշխատանքային արիության համար» մեդալ
«Աշխատանքի վետերան» մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]