Ճայակ

Վիքիպեդիայից՝ ազատ հանրագիտարանից
Coloeus monedula -Munkedal, Vastra Gotaland, Sweden-8.jpg

Ճայակը ճնճղուկազգիների կարգի՝ ագռավների ընտանիքին պատկանող թռչուն է։ Հայտնի է նաև արջնագռավ անունով։ Հայաստանում ապրում է արևելյան ճայակը, որը լայն տարածում ունի Արարատյան դաշտում և նախալեռնային գոտում։

Արտաքին կառուցվածք[խմբագրել]

Միջինից մեծ, սև թռչուն է։ Ունի ուժեղ կտուց, որը կողքից սեղմված է, իսկ ռունգները ծածկված են կոշտ մազերով։ Ճայակի թևերը լայն են, ծայրերը՝ մատների նման չռված։

Կենսակերպ[խմբագրել]

Ճայակները շրջում են մեծ խմբերով, հաճախ սերմնաքաղ ագռավների հետ։ Լինում են նաև քաղաքներում և այլ բնակավայրերում։ Ճայակները չեն չվում։

Բնադրում[խմբագրել]

Բնադրում են ծառերի փչակներում, պատերի ճեղքերում, մանր գիշատիչների բներում, հողի փլվածքներում և այլուր։ Բները պատրաստում են փետուրներից, հին շորի լաթերից, հաճախ ծեփում գոմաղբով կամ ցեխով։ Ունեն կոպիտ, կանոնավոր ձև չունեցող բներ։ Բազմանում են վաղ գարնանը, դնում 3 - 8 ձու։

Սննդառություն[խմբագրել]

Շատ օգտակար թռչուն է։ Հիմնականում կերակրվում է հողի մեջ ապրող շատ վնասակար միջատներով` արջուկներով, ճռիկներով, բվիկների թրթուրներով, լարաթրթուրներով։ Սնվում է նաև դաշտային այլ վնասատուներով, ներառյալ մկներով։

Աղբյուրներ[խմբագրել]