Հիմեձի ամրոց

Վիքիպեդիայից՝ ազատ հանրագիտարանից
Հիմեձի ամրոց
姫路城*
ՅՈՒՆԵՍԿՕ-ի համաշխարհային ժառանգություն

Himeji Castle The Keep Towers.jpg
Հիմեձի ամրոցի տեսքը
Երկիր Ճապոնիա Ճապոնիա
Տիպ Մշակութային
Չափանիշներ i, iv
Ցանկ ՅՈՒՆԵՍԿՕ֊ի ցանկ
Աշխարհամաս** Ասիա և Ավստրալիա
Կոորդինատներ 34°50′00″ հս. լ. 134°50′00″ ավ. ե. / 34.833333° հս. լ. 134.833333° աե. ե.
Ընդգրկման պատմություն
Ընդգրկում 1993  (17-րդ նստաշրջան)
Համար 661
* Անվանումը պաշտոնական անգլերեն ցանկում
** Երկրամասը ըստ ՅՈՒՆԵՍԿՕ-ի դասակարգման
Portal.svg
Համաշխարհային ժառանգություն


Սպիտակ ձկնկուլի ամրոցը (ճապ.՝ 姫路城 — Հիմեձի-ձյո) հնադարյան ամենապահպանված Ճապոնիայի ամրոցներից է և ամենաճանաչվածը զբոսաշրջիկների շրջանում։ Ամրոցը բաղկացած է 83 շինություններից։ Ամրոցի հիմքը քարից է, իսկ շինությունների մեծամասնությունը փայտից է՝ ներկված սպիտակ ներկով, որը հակահրդեհային հատկություն ունի։ Ամրոցը ոչ միայն արտաքինից է ներկված սպիտակ ներկով, այլ նաև ներսից շինությունը հրդեհից փրկելու համար։ Առնավազն երեք ժամ է հարկավոր, որպեսզի շրջես ամբողջ ամրոցի տարածքով։ Ամրոցը առանձնակի շուք է ստանում նամանավանդ գարնանը, երբ ամրոցի պարտեզներում ծաղկում են հիասքանչ ծաղիկները, վարդերի թփերը։ Հիմեձի ամրոցը ճապոնական մշակույթի գլուխգործոցն է։ Նա համարվում է նաև 48 իշխանների հայրենիքը, հողերը նրա ընդարձակ են։

Պատմությունը[խմբագրել]

Ամրոցի կառուցումը Խիմե լեռան ստորոտում սկսվել է 14-րդ դարի կեսերին։ Այդ անունը նա ստացել է իր կառուցվածքների մեծ հղկվածության և էլեգանտության համար, որը հիշեցնում էր աննման սպիտակ թռչունի։ Հիմեձի ամրոցը օրինակ է ծառայել վերջին ժամանակների ամրոցների համար։ Նրա բարձր քարե հիմքը, սպիտակեցված պատերը մտել են ճապոնական ճարտարապետության հնարքների մեջ։

Սկզբում ամրոցը բազմակի անգամ անցել է մեկ սամուրայական կլանից մյուսին, հատկապես 1467-77 թվականների քաղաքացիական պատերազմի ժամանակ։ 16-րդ դարի վերջին, երբ ամրոցը գտնվում էր զորավար Տոյոտոմի Խիդեյոսիի ձեռքում մի շարք անգամ ավերված էր և կապիտալ նորոգման ենթակա էր։ Եվ 1601-1609 թվականներին հայտնվեցին համարյա բոլոր ներկայիս կառույցները, որոնց վերևում 45 մ բարձրության վրա վեր բարձրացավ յոթ հարկանի գլխավոր աշտարակը։

Տոյոտոմի ընտանիքի նախաձեռնությամբ ամրոցի թարմացումը ավարտվել է 1618 թվականին։ Ավելացան մի խումբ օգնող աշտարակներ և վերահատակագծման տարածքներ։ Ամրոցի շուրջը կառուցվեց ընդարձակ այգի սպիրալաձև լաբիրինթոսներով և փակուղիներով, այնպես որ հարձակվող թշնամին ժամերով պետք է մոլորվեր լաբիրինթոսում, փոխանակ պատրաստվեր կրակ բացելու։

Այդ հնարամիտ հնարքը ոչ մի անգամ չի փորձվել կռվի ժամանակ, որովհետև ամրոցի շինարարության ավարտից հետո Ճապոնիայի այդ մասում սկսվել են խաղաղ ժամանակներ։ Վերջին 2 հարյուրամյակներում ամրոցի կողքին առաջ եկավ Հիմեջի քաղաքը։ 1871 թվականին Սպիտակ ձկնկուլի ամրոցը խլեցին նրա տերերից և մուրճի հարվածով վաճառվեց 23 իենով։ Երկրորդ համաշխարհային պատերազմի վերջում ամրոցի շրջակայքը վնասվել էր ամերիկյան ավիացիայի ռմբակոծություններից, սակայն ամրոցը մնացել էր անվնաս։

Հիմեձի ամրոցը կինոներում[խմբագրել]

Ամրոցի շրջակայքում կատարվել են մի շարք ֆիլմերի նկարահանումներ։ Առաջին ֆիլմերից մեկում «Ապրում ես երկակի» ամրոցը ներկայացվում է, որպես նինջաների գաղտնի դպրոց, որտեղ տարվում են հրթիռային զենքի փորձարկումներ։ Ակիրա Կուրոսավան նկարահանում է այստեղ այնպիսի գլուխգործոցներ, ինչպիսիք են «Ռազմիկի ստվերը» և «Ռանը»։ 2003 թվականին ամրոցում նկարահանել են պատմական ֆիլմ «Վերջին սամուրայը», գլխավոր դերում նկարահանվել է Թոմ Քրուզը։

Պատկերասրահ[խմբագրել]