Հարալդ Տամմեր

Հարալդ Տամմեր; էստ․՝ Harald Tammer
Ծնվել է	հունվարի 9, 1899
Ծննդավայր	Տալլին, Ռուսական կայսրություն
Մահացել է	հունիսի 6, 1942 (43 տարեկան)
Մահվան վայր	Unzhlag, Semyonovsky District, Նիժնի Նովգորոդի մարզ, ՌԽՖՍՀ, ԽՍՀՄ
Քաղաքացիություն	Էստոնիա
Մասնագիտություն	ծանրամարտիկ, լրագրող, թեթևատլետ և քաղաքական գործիչ
Պարգևներ և ; մրցանակներ
	Harald Tammer Վիքիպահեստում

Հարալդ Տամմեր (էստ․՝ Harald Tammer, հունվարի 9, 1899(1899-01-09)^[1], Տալլին, Ռուսական կայսրություն - հունիսի 6, 1942(1942-06-06)^[1], Unzhlag, Semyonovsky District, Նիժնի Նովգորոդի մարզ, ՌԽՖՍՀ, ԽՍՀՄ), էստոնացի լրագրող և ծանր ատլետ, աշխարհի չեմպիոն։ Որպես ծանրորդ` 1922 թվականին նվաճել է աշխարհի չեմպիոնի տիտղոս, 1924 թվականին՝ Օլիմպիական խաղերի բրոնզե մեդալ^[2]։ Որպես աթլետ՝ մրցել է 1920 և 1924 թվականների Օլիմպիական խաղերի գնդի հրման մրցաշարում՝ համապատասխանաբար զբաղեցնելով վեցերորդ և տասներկուերորդ տեղերը։ 1920 թվականին եղել է Էստոնիայի օլիմպիական դրոշակակիրը^[3], 1928 և 1936 թվականներին՝ Էստոնիայի օլիմպիական թիմի ներկայացուցիչ^[4]։

Կենսագրություն[խմբագրել | խմբագրել կոդը]

Հարալդ Տամմերը ծնվել է 1899 թվականին Ռևելում (Ռուսական կայսրություն)։ 1916 թվականին դարձել է գնդի հրման Ռուսաստանի առաջնության արծաթե մեդալակիր, իսկ սկավառակի և մուրճի նետումից՝ բրոնզե մեդալակիր։ Առաջին համաշխարհային պատերազմի ժամանակ կամավոր մեկնել է ռազմաճակատ, հետագայում մասնակցել Էստոնիայի անկախության համար մղվող պատերազմին։

1920 թվականին Անտվերպենում կայացած Օլիմպիական խաղերում եղել է Էստոնիայի հավաքականի դրոշակակիրր և գնդի հրման մարզաձևում գրավել վեցերորդ տեղը։ Այնուհետև զբաղվել է ծանրամարտով և 1922 թվականի աշխարհի առաջնությունում նվաճել ոսկե մեդալ։ 1924 թվականին Փարիզի Օլիմպիական խաղերում ծանրամարտում նվաճել է բրոնզե մեդալ, գնդի հրումից զբաղեցրել 12-րդ տեղը։

1931–1933 թվականներին սովորել է Քաղաքական հետազոտությունների ինստիտուտում։

1921-1928 թվականներին Հարալդ Տամմերը եղել է «Eesti Spordileht»-ի խմբագիրը, 1933-1940-ական թվականներին` «Eesti Päevaleht»-ի։ 1933-1940 թվականներին եղել է Էստոնիայի ազգային օլիմպիական կոմիտեի խորհրդի անդամ, 1937-1940 թվականներին՝ Էստոնիայի խորհրդարանի անդամ։ 1940 թվականին կարճ ժամանակահատվածում եղել է «Revue Baltique»-ի խմբագիրը։ 1941 թվականի փետրվարին մեղադրվել է Էստոնիայի զինված ուժերի համար լրտեսության մեջ, ձերբակալվել է ՆԳԺԿ-ի կողմից և արտաքսվել Ռուսաստան։ Մեկ ու կես տարի անց մահացել է Նիժնի Նովգորոդի մարզի Սեմյոնով քաղաքի Սուխոբեզվոդնի երկաթուղային կայարանի մոտակայքում գտնվող Ունժենսկի ճամբարում։

Մրցանակներ[խմբագրել | խմբագրել կոդը]

Էստոնիայի Կարմիր խաչի II աստիճանի շքանշան (էստ․՝ Eesti Punase Risti Teenetemärk II klass), 1940, փետրվարի 21
Էստոնիայի Կարմիր խաչի շքանշան, II աստիճանի I (էստ․՝ Eesti Punase Risti mälestusmärk II järgu I aste), 1936, հունիսի 18
Լաչպլեսիսի ռազմական շքանշան 3/1816, 1924

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Eesti spordi biograafiline leksikon (эст.)
↑ Հարալդ Տամմերի մասին chidlovski.net կայքում
↑ «Olympic History of Estonia». Olympics at Sports-Reference.com (անգլերեն). Արխիվացված է օրիգինալից 2016 թ․ մարտի 3-ին. Վերցված է 2019 թ․ մայիսի 27-ին.
↑ «Harald Tammer Bio, Stats, and Results». Olympics at Sports-Reference.com (անգլերեն). Արխիվացված է օրիգինալից 2016 թ․ մարտի 5-ին. Վերցված է 2019 թ․ մայիսի 27-ին.

Վիքիպահեստն ունի նյութեր, որոնք վերաբերում են «Հարալդ Տամմեր» հոդվածին։

[_e0dbb4d1c36f9c5f-1] 1,0 ^1,1 ^1,2 ^1,3 ^1,4 Eesti spordi biograafiline leksikon (эст.)

[2] Հարալդ Տամմերի մասին chidlovski.net կայքում

[3] «Olympic History of Estonia». Olympics at Sports-Reference.com (անգլերեն). Արխիվացված է օրիգինալից 2016 թ․ մարտի 3-ին. Վերցված է 2019 թ․ մայիսի 27-ին.

[4] «Harald Tammer Bio, Stats, and Results». Olympics at Sports-Reference.com (անգլերեն). Արխիվացված է օրիգինալից 2016 թ․ մարտի 5-ին. Վերցված է 2019 թ․ մայիսի 27-ին.

[1]

[2]

[3]

[4]