Կիմ Երիցյան

Վիքիպեդիայում կան հոդվածներ Երիցյան ազգանունով այլ մարդկանց մասին։

Կիմ Անդրանիկի Երիցյան
Ծնվել է	նոյեմբերի 22, 1930(1930-11-22)
Ծննդավայր	Թիֆլիս, Վրացական ԽՍՀ, ԱԽՖՍՀ, ԽՍՀՄ
Մահացել է	դեկտեմբերի 26, 2010(2010-12-26) (80 տարեկան)
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասան
Պարգևներ և մրցանակներ	Հայաստանի ժողովրդական արտիստ

Կիմ Անդրանիկի Երիցյան (նոյեմբերի 22, 1930, Թիֆլիս, Վրացական ԽՍՀ, ԱԽՖՍՀ, ԽՍՀՄ - դեկտեմբերի 26, 2010, Երևան, Հայաստան), հայ անվանի դերասան, Հայաստանի Հանրապետության ժողովրդական արտիստ (2006):

Կենսագրություն

Կիմ Երիցյանը ծնվել է Թբիլիսիում։ 1951 թվականին տեղափոխվել է Երևան։ 1957 թվականին ավարտել է Երևանի գեղարվեստա-թատերական ինստիտուտի դերասանական բաժինը։ 1955-1973 թվականներին եղել է Երևանի Հակոբ Պարոնյանի անվան երաժշտական կոմեդիայի պետական թատրոնի դերասան։ 1973-2006 թվականներին եղել է Երևանի Հրաչյա Ղափլանյանի անվան պետական դրամատիկական թատրոնի դերասան։

Կիմ Երիցյանի հուշատախտակը Երևանի Վարդանանց փողոց 2-րդ փակուղում

Առավել հայտնի դարձավ «Նվագախմբի տղաները» ֆիլմում կերտած Կիրակոսի դերից հետո։ Երիցյանը յուրօրինակ տպավորիչ գունեղությամբ կերտել է ու մարմնավորել 100-ից ավելի դերեր։

Դերեր թատրոնում

• Արարատ Բարսեղյանի «Պըլը-Պուղի»

Դերեր ֆիլմերում

• 1960 - Նվագախմբի տղաները - Կիրակոս
• 1964 - Շրթներկ N 4 - Արմեն
• 1969 - Սուտլիկ որսկանը - սուտլիկ
• 1973 - Քաոս - Մոսիկո
• 1974 - Մարդն «Օլիմպոսից» - դրվագ
• 1982 - Պատահար հուլիսին
• 1984 - Հող և ոսկի - Սերոժ
• 1980 - Ստանիսլավ Ստրատիևի Ավտոբուս- Ալդոմիրեց
• 1997 - Հարսնացուն Ջերմուկից
• 2006, 2007 և 2008 - Վերվարածները ընտանիքում - Թաթոս պապի, պրոֆեսոր