Խուանդե Ռամոս

Խուանդե Ռամոս
Ծնվել է	սեպտեմբերի 25, 1954(1954-09-25) (69 տարեկան)
Ծննդավայր	Պեդրո Մունիոս, Սիուդադ Ռեալ, Կաստիլիա-Լա Մանչա, Իսպանիա
Քաղաքացիություն	Իսպանիա
Մասնագիտություն	ֆուտբոլիստ և ֆուտբոլային մարզիչ
Կայք	juanderamos.com
Juande Ramos Վիքիպահեստում

Խուան դե լա Կռուզ Ռամոս Կանո, ավելի հայտնի է որպես Խուանդե Ռամոս (իսպ.՝ Juan de la Cruz Ramos Cano, իսպ.՝ Juande Ramos, 25 սեպտեմբեր, 1954, Պեդրո-Մունյոս, Իսպանիա), իսպանացի ֆուտբոլիստ, մարզիչ։

Կենսագրություն

Որպես ֆուտբոլիստ հանդես է եկել ցածր իսպանական դիվիզիոններում։ Խաղային կարիերիան ավարտել է 1982 թվականին, ծնկի վնասվածքի պատճառով։ 1992 թվականից սկսել է մարզիչի աշխատանքը։

Ավելի շատ հաջողությունների էր հասել, երբ մարզիչ էր Սևիլյա» ֆուտբոլային ակումբում, որը նրա օրոք (2006-2007) հաղթեց երկու ՈՒԵՖԱ-ի գավաթ, ՈՒԵՖԱ Սուպեր գավաթ և Ֆուտբոլի Իսպանիայի գավաթ։ Տոտտենհեմ Հոտսպուր մարզչի դերը ստանձնելուց հետո թիմը 2008 թվականին հաղթել է Ֆուտբոլային լիգայի գավաթը, առաջինն այդ ակումբի համար իննամյա ընդմիջումից հետո։

2008 թվականի դեկտեմբերի 9-ին փոխարինեց Մադրիդի «Ռեալի» գլխավոր մարզիչ գերմանացի Բերնդ Շուստերին և թիմին օգնեց գրավել երկրորդ հորիզոնականը Իսպանիայի առաջնությունում, որից հետո զիջեց տեղը Մանուել Պալլեգրինիին.

2009 թվականի սեպտեմբերի 10-ին պայմանագիր է կնքել մոսկովյան ԲԿՄԱ-ի հետ։ Սակայն 2009 թվականի հոկտեմբերի 26-ին պայմանագիրը երկկողմանի համաձայնությամբ խզվեց, կապված նրա հետ, որ Ռամոսը ցանկանում էր ձեռք բերել որոշ խաղացողների, բայց ակումբը իրեն դա չէր կարող թույլ տալ։ Ավելի ուշ ԲԿԱՄ-ի նախագահ Եվգենի Գինները խորհուրդ տվեց Դնեպրոպետրովսկի «Դնեպր»-ի նախագահ Իգոր Կոլոմոյսկուն, որպեսզի իսպանացուն վերցնի մարզիչ։ 2010 թվականի հոկտեմբերի 1-ին դարձավ «Դնեպր»-ի գլխավոր մարզիչ, կնքելով չորս տարվա պայմանագիր։ Նրա գլխավորությամբ «Դնեպր»-ը 2013/14 մրցաշրջանում կարողացավ կրկնել իր լավագույն արդյունքը Ուկրաինայի ֆուտբոլի առաջնությունում՝ դառնալ մրցաշրջանի արծաթե մրցանակակիր, (1992/93 մրցաշրջանում նույնպես դարձել է արծաթե մեդալակիր) և առաջին անգամ ստացել է Չեմպիոնների Լիգայի որակավորման փուլի ուղեգիր։ 2014 թվականին լքել է ակումբը։ 2016 թվականի ամռանը պայմանագիր կնքեց «Մալագա» իպանական ակումբի հետ։ Սակայն դեկտեմբերի 22-ին պայմանագիրը չեղյալ է համարել իր իսկ կամքով։

Ձեռքբերումներ

Թիմային

«Լոգրոնես»

• Սեգունդայի երկրորդ մրցանակակիր (1) 1995/96

«Ռայո Վալեկանո»

• Սեգունդայի հաղթող (1) 1998/99

«Սեվիլյա»

• ՈՒԵՖԱ-ի գավաթի (2) 2005/06, 2006/07 մրցանակակիր
• ՈՒԵՖԱ-ի Սուպեր գավաթի (1) 2006 մրցանակակիր
• Իսպանիայի գավաթի (1) 2006/07 մրցանակակիր
• Իսպանիայի Սուպերկոպայի (1) 2007 մրցանակակիր
• ՈՒԵՖԱ-ի Սուպեր գավաթի (1) 2007 եզրափակչի մասնակից

«Տոտտենհեմ Հոտսպուր»

• Ֆուտբոլային լիգայի գավաթի (1) 2007/08 մրցանակակիր

«Ռեալ Մադրիդ»

• Լա Լիգայի (1) 2008/09 երկրորդ մրցանակակիր

«Դնեպր»

• Ուկրաինայի ֆուտբոլի առաջնության (1) 2013/14 արծաթե մեդալակիր

Անձնական

• Միգել Մունոզի անվան (1) 2006/07 մրցանակակիր։
• 2007 թվականի երրորդ լավագույն մարզիչը (Կառլո Անչելոտտիից և Ալեքս Ֆերգյուսոնից հետո) ըստ ֆուտբոլի պատմության և վիճակագրության միջազգային ֆեդերացիայի (Ֆուտբոլի պատմության և վիճակագրության միջազգային ֆեդերացիա), ինչպես նաև պրոֆեսիոնալ ֆուտբոլի դատավորների խորհրդով (WPPS)։

Փաստեր

• Ռամոսին երեք տարիների ընթացքում անընդմեջ ակումբներից հեռացրել են հոկտեմբերի 26-ին՝ 2007 թվականին «Սևիլյա»-ից, 2008 թվականին «Տոտտենհամ»-ից, 2009-ին ԲԿՄԱ-ից։
• Ռամոսը երեք անգամ (31.08.2014) հայտնվել է նույն իրավիճակում, երբ իր թիմը հաղթում էր, խաղը կանգնեցվել է մարզադաշտի լուսավորության խնդրի պատճառով.
  • 2010 թվականի դեկտեմբերի 7՝ «Ռայո Վալեկանո» — «Լոկոմոտիվ» (Մոսկվա),
  • 2002 թվականի սեպտեմբերիրի 15՝ «Ռեալ Բետիս» — «Ռեալ Մադրիդ»,
  • 2013 թվականի հոկտեմբերի 6՝ «Դնեպր» (Դնեպրոպետրովսկ) — «Մետալիստ» (Խարկով)

Արտաքին հղումներ

• Պաշտոնական կայք(անգլ.)(իսպ.)
• Մարզչի էջը՝ Transfermarkt կայքում

Վիքիպահեստն ունի նյութեր, որոնք վերաբերում են «Խուանդե Ռամոս» հոդվածին։