Լայոշ Կոշութ

Լայոշ Կոշութ (հունգ. Kossuth Lajos, սլովակերեն՝ Ľudovít Košút; 1802 թ. սեպտեմբերի 19, Մոնոկ, Բորշոդ-Աբաույ-Զեմպլեն — 1894 թ. մարտի 20, Տուրին), Հունգարիայի նշանավոր պետական գործիչ, հեղափոխական: Մասնագիտությամբ՝ իրավաբան: Լրագրող: 1848-49 թթ. հեղափոխության ժամանակաշրջանում Հունգարիայի ֆինանսների նախարար (1848 թ. մարտ-սեպտեմբեր), ապա՝ վարչապետ և կառավարիչ-նախագահ: Պայքարել է Հունգարիայի անկախության համար ավստրիական Հաբսբուրգների դեմ: Հեղափոխության պարտությունից հետո բնակություն է հաստատել Անգլիայում: Օժանդակել է Ջուզեպպե Գարիբալդիին Իտալիայի ազատագրման և միավորման գործում: