Էռա-Սոֆյա Բարուտչևա

Էռա-Սոֆյա Բարուտչևա
Հիմնական տվյալներ
Ծնվել է	մարտի 9, 1934; Բաքու, ԱԽՖՍՀ, ԽՍՀՄ
Երկիր	Ռուսաստան
Մահացել է	ապրիլի 16, 2019 (85 տարեկան); Սանկտ Պետերբուրգ, Ռուսաստան
Մասնագիտություն	երաժիշտ և դաշնակահարուհի
Կրթություն	Երևանի Կոմիտասի անվան պետական կոնսերվատորիա

Էռա-Սոֆյա Սուրենովնա Բարուտչևա (մարտի 9, 1934(1934-03-09)^[1], Բաքու, ԱԽՖՍՀ, ԽՍՀՄ - ապրիլի 16, 2019(2019-04-16), Սանկտ Պետերբուրգ, Ռուսաստան), հայազգի երաժշտագետ, արվեստագիտության թեկնածու, Ռուսաստանի բարձրագույն դպրոցի վաստակավոր գործիչ, ԽՍՀՄ Կոմպոզիտորների միության անդամ (1981 թվականից)։

Կենսագրություն[խմբագրել | խմբագրել կոդը]

Էռա-Սոֆյա Բարուտչևան ծնվել է 1934 թվականի մարտի 9-ին, Բաքու քաղաքում։ 1946 թվականից որոշ ժամանակ ապրել է Կիսլովոդսկ քաղաքում^[2]։ 1951 թվականին ավարտել է Բաքվի միջնակարգ երաժշտական դպրոցի դաշնամուրի, 1956 թվականին՝ Երևանի Կոմիտասի անվան պետական կոնսերվատորիայի երաժշտագիտության (Գևորգ Տիգրանովի դասարան) բաժինները^[3]։ Այնուհետև Էռա-Սոֆյա Բարուտչևան ուսումը շարունակել է Լենինգրադի կոնսերվատորիայի ասպիրանտուրայում (Գևորգ Տիգրանովի դասարան)։

1958 թվականից դասավանդել է Լենինգրադի կոնսերվատորիայում, 1999 թվականին արժանացել է պրոֆեսորի կոչման, 1969 թվականից եղել է կոնսերվատորիայի թանգարանի հիմնադիր-ղեկավարը^[4]

Հեղինակ է «Ընտանիք. ճակատագրի նախշերը պատմության ուղիներում», «...Եվ սիրտն իմ չի մոռանա. ժամանակակիցների դիմանկարներ» (2004), «Գեորգի Ալեքսիձե. Խորեոգրաֆ՝ Աստծո կամոք» (2006, երեքն էլ՝ ռուս.) մենագրությունների, 250-ից ավելի գիտական և հրապարակախոսական հոդվածների (Grove և MGG հանրագիտարաններում), կինոսցենարի (4 մասից, նվիրված է Սանկտ Պետերբուրգի կոնսերվատորիային)։

Էռա-Սոֆյա Բարուտչևայի սումնասիրությունները վերաբերում են Արամ Խաչատրյանի ստեղծագործությանը, հայ կինոերաժշտությանը, Լենինգրադի երաժշտական անսամբլներին, մենակատարներին, դիրիժորներին, երաժշտության և պարարվեստի խնդիրներին։

Էռա-Սոֆյա Բարուտչևան մահացել է 2019 թվականի ապրիլի 16-ին, Սանկտ Պետերբուրգ քաղաքում^[5]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_5f74d8b316126b6f-1] 1,0 ^1,1 https://www.conservatory.ru/esweb/barutcheva-era-sofya-surenovna-1934-2019

[2] Барутчева Эра Суреновна

[3] БАРУТЧЕВА ЭРА-СОФЬЯ СУРЕНОВНА

[4] «У нас на квадратный дециметр подлинников больше, чем в Лувре»

[5] Памяти Э.С. Барутчевой

[1]

[2]

[3]

[4]

[5]