Էլեանոր Թոմլինսոն
 | |
|---|---|
.png) | |
| Ծնվել է | մայիսի 19, 1992[1] (31 տարեկան) |
| Ծննդավայր | Լոնդոն, Միացյալ Թագավորություն |
| Կրթություն | Բևեռլի ավագ դպրոց |
| Քաղաքացիություն | .svg){kind=small} Միացյալ Թագավորություն |
| Մասնագիտություն | դերասանուհի, մոդել և կինոդերասանուհի |
Էլեանոր Թոմլինսոն (անգլ.՝ Eleanor Tomlinson, մայիսի 19, 1992[1], Լոնդոն, Միացյալ Թագավորություն), անգլիացի դերասանուհի և երգչուհի։ Նրա հայտնի դերերից են՝ Արքայադուստր Իզաբելը՝ «Հսկաներին նվաճող Ջեքը» ֆիլմից (2013), Իզաբել Նևիլ՝ «Սպիտակ թագուհին» հեռուստասերիալից և Դեմելզա Պոլդարկ՝ «Պոլդարկ» հեռուստասերիալից։
Կենսագրություն[խմբագրել | խմբագրել կոդը]
Թոմիլսոնը ծնվել է 1992 թվականի մայիսի 19-ին, Լոնդոնում։ Հետագայում իր ընտանիքի հետ տեղափոխվել է Բևեռլի։ Անգլիայում ընդունվել է Բևեռլիի քոլեջը (անգլ.՝ Beverley High School):
Նա Ջուդիթ Հիբերդի և երգիչ, դերասան ու ձիասպորտի մեկնաբան Մալքոլմ Թոմլինսոնի դուստրն է։ Նրա եղբայրը՝ Ռոսս Թոմլինսոնը, նույնպես դերասան է։ Իր առաջին դերը Էլեանորը խաղացել է «Անկում» ֆիլմում՝ 2005 թվականին։ 2010 թվականին իր էպիզոդիկ դերն է խաղացել Ալիսան հրաշքների աշխարհում ֆիլմում։ 2011 թվականին, որպես գլխավոր դերասանուհի, խաղացել է «Հսկաներին նվաճող Ջեքը» ֆիլմում[2][3][4]։ 2015 թվականին Էլեանորը նկարահանվել է «Պոլդարկ» հեռուստասերիալում[5][6]։
Էլեանորը նկարահանվել է «Սպիտակ թագուհին» հեռուստասերիալում, մարմնավորել է Լեդի Իզաբել Նևիլի դերը։ «Մահը գալիս է Փեմբեռլի» ֆիլմում խաղացել է Ջորջինա Դարսիի դերը։ Այն նույնպես BBC-ի հեռուստասերիալներից է։
2018 թվականին Թոմլինսոնը հայտնվել է «Radio Times» թոփ 100-ի ցուցակում և զբաղեցրել 56-րդ տեղը։ Ցուցակը կազմվել է տարբեր հեռուստատեսությունների տնօրենների կողմից։
2019 թվականին Էլեանորը նկարահանվել է BBC հեռուստաալիքի «Աշխարհների պատերազմ» (անգլ.՝ The War of the Worlds) սերիալում, որտեղ խաղացել է Էմիի դերը։ Այդ սերիալն էկրանավորվել է Հերբերտ Ուելսի համանուն վեպի հիման վրա։
2015 թվականից մինչև 2017 թվականի հունիս ամիս Թոմլինսոնը հարաբերությունների մեջ է եղել Բեն Ատկինսոնի հետ։ Էլեանորն ուներ բնական խարտյաշ մազեր, սակայն Պոլդարկ հեռուստասերիալի համար փոխել է իր մազերի գույնը կարմիր՝ կարծելով, թե իր կերպարին այն ավելի համապատասխան է։
| Տարի | Հայերեն անվանում | Բնօրինակ անվանում | Դեր | Գրառումներ |
|---|---|---|---|---|
| 2005 | Անկում | Falling | փոքրիկ Դաֆնա | հ/ս |
| 2006 | Իլյուզիոնիստը | The Illusionist | Երիտասարդ Սոֆին | ֆ |
| 2008 | Էինսթոնը և Էդդինթոնը | Einstein and Eddington | Ագնես Մյուլեր | ֆ |
| 2008 | Անգուս, հանգիստ և կատարյալ խորտակում | Angus, Thongs and Perfect Snogging | Ջաս | ֆ |
| 2009 | Սարա Ջեյնի արկածները | The Sarah Jane Adventures | Էվա | ս |
| 2010 | Ալիսան հրաշքների աշխարհում | Alice in Wonderland | Ֆիոնա Չաթուեյ | ֆ |
| 2010 | Կորած ապագան | The Lost Future | Մայրու | ֆ |
| 2013 | Սիբիրյան կրթություն | Siberian Education | Հենյաու | ֆ |
| 2013 | Հսկաներին նվաճող Ջեքը | Jack the Giant Slayer | Իզաբել | ֆ |
| 2013 | Սպիտակ թագուհին | The White Queen | Իզաբել Նեվիլ | ֆ |
| 2013 | Մահը գալիս է Պեմբեռլի | Death Comes to Pemberley | Ջորջինա Դարսի | հ/ս |
| 2015-2019 | Պոլդարկ | Poldark | Դեմելզա Պոլդարկ | ս |
| 2017 | Սիրով, Վինսենթ | Loving Vincent | Ադելին Ռավու | ֆ |
| 2018 | Կոլեթթ | Colette | Ջորջի Ռաուլ Դուվալ | ֆ |
| 2019 | Աշխարհների պատերազմ | The War of the Worlds | Էմի | հ/ս |
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ Eleanor Tomlinson Q&A: 'Jack the Giant Slayer' star talks new beanstalk tale
- ↑ Eleanor Tomlinson joins ‘Killer’ cast
- ↑ Eleanor Tomlinson Lands 'Jack The Giant Killer' Female Lead
- ↑ POLDARK: Eleanor Tomlinson on DOWNTON ABBEY Comparisons, the Original Series, More
- ↑ Poldark's Eleanor Tomlinson on her real life beau being 'threatened' by Aidan Turner's looks
Արտաքին հղումներ[խմբագրել | խմբագրել կոդը]
- Պաշտոնական կայք Արխիվացված 2022-01-28 Wayback Machine(անգլ.)
- Элеонор Томлинсон Internet Movie Database կայքում
- Элеонор Томлинсон Թվիթթերում
 | Վիքիպահեստն ունի նյութեր, որոնք վերաբերում են «Էլեանոր Թոմլինսոն» հոդվածին։ |
| ||||||||||||||||||||
