Զինանշան

Վիքիպեդիայից՝ ազատ հանրագիտարանից

Զինանշան,(գերմ. Erbe-ժառանգություն),գերբ,կրողի պատմական ավանդույթներն արտահայտող պատկերների ու առարկաների համադրությմաբ խորհրդանշանային ժառանգական տարբերանշան: Յուրահատուկ է պետություններին,ազնվականական կամ իշխանական տներին,պետության կազմի մեջ մտնող վարչա-տարածքային միավորներին (մարզ,նահանգ,գավառ,քաղաք և այլն),համքարություններին,երբեմն նաև առանձին անձանց և արտացոլում է դրանց վարչական, աշխարհագրական, տնտեսական, կենցաղային, անհատական և այլ առանձնահատկություններ:Պատկերվում է կնիքների,դրամների,մեդալների,դրոշների,ռազմի առարկաների (վահան, սաղավարտ,դրոշ և այլն),ճարտարապետական հուշարձանների և այլնի վրա: Զինանշանների սաղմերն ի հայտ են եկել նախնադարյան հասարակարգում (կենդանիների տոտեմական կամ տոհմի հովանավորների պատկերներ), այնուհետև ակնառու երևում են հին աշխարհի ժողովուրդների թողած բազմաթիվ խորհրդանշանային պատկերներում [1]:

Ծանոթագրություններ[խմբագրել]

  1. Հայկական Սովետական Հանրագիտարան,հ.3,Եր.1977թ.,էջ 27-28