Զանգու (թերթ)
ֆր.՝ Zankou և ֆր.՝ Zangou | |
---|---|
Տեսակ | հասարակական-քաղաքական շաբաթաթերթ |
Լեզու | հայերեն |
Գլխավոր խմբագիր | Միսաք Մանուշյան |
Հիմնադրվել է | 1935-1937 |
Հիմնադիր | ֆրանսահայ կոմունիստներ |
Հրատարակիչ | Հայաստանի օգնության կոմիտեի Ֆրանսիայի մասնաճյուղ |
Երկիր | Ֆրանսիա |
Հրատարակման վայր | Փարիզ |
Լուծարվել է | հուլիսի 30, 1937 |
Հաճախականություն | ամսական երկու անգամ |
«Զանգու», հասարակական-քաղաքական շաբաթաթերթ, որը լույս է տեսել Փարիզում, 1935–1937 թվականներին։ Խմբագիր՝ Միսաք Մանուշյան։ Ֆրանսահայ կոմունիստների թերթը։
Պատմություն[խմբագրել | խմբագրել կոդը]
Պաշտպանել է հայ գաղութի աշխատավորների շահերը, օգնել բարձրացնելու նրանց դասակարգային գիտակցությունը և համախմբելու հայ աշխատավորներին երկրի բանվորական կազմակերպությունների հետ։ Մեծ դեր է խաղացել գաղութի և Խորհրդային Հայաստանի կապերն ամրապնդելու գործում։ Լայնորեն լուսաբանել է Խորհրդային Հայաստանի կյանքը, նրա նվաճումները, օգնել հայրենադարձության գործին, ՀՕԿ-ի և առաջադիմական կազմակերպությունների աշխատանքներին։
Թերթը ձգտել է տեղյակ պահել իր ընթերցողներին միջազգային քաղաքական իրադարձություններին, քարոզչություն է ծավալել ֆաշիզմի և պատերազմի օրեցօր սպառնացող վտանգի դեմ։
Թերթին աշխատակցել են Գ. Թահմազյանը, Դ. Դավիթյանը, Տ. Զավենը, Հ. Գալճյանը, Զ. Որբունին, Ե. Թոլայանը, Ա. Կոթիկյանը, Ե. Քոչարը և ուրիշներ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 659)։ |