Երկաթուղայինների հուշարձան (Էրեբունի վարչական շրջան)

Երկաթուղայինների հուշարձան
Ընդհանուր տեղեկություններ
Համայնք	Էրեբունի վարչական շրջան
Գտնվում է	Ազատամարտիկների այգի
Բարձրություն	5 մետր
Քանդակագործ(ներ)	Վյաչեսլավ Վերդյան
Շինարարության ավարտ	2011
Ներկա վիճակ	կանգուն

Երկաթուղայինների հուշարձան, գտնվում է Երևանի Էրեբունի վարչական շրջանի Ազատամարտիկների այգում։ Տեղադրվել է 2011 թվականին։

Պատմություն

Հուշարձանը նվիրված է Առաջին և Երկրորդ համաշխարհային պատերազմներում, Արցախի ազատագրման ժամանակ զոհված հայ երկաթուղայինների հիշատակին։

Հուշարձանի բացման արարողությանը մասնակցել են «Հարավկովկասյան երկաթուղի» ՓԲԸ ղեկավարության ներկայացուցիչները, պատգամավորներ, Երևանի քաղաքապետարանի ու Էրեբունի վարչական շրջանի աշխատակիցներ, վետերան-երկաթուղայիններ և համայնքի բնակիչներ։

2013 թվականին Գյումրիում բացվել է հուշարձան՝ նվիրված 1988 թվականի դեկտեմբերի 7-ի երկրաշարժի ժամանակ զոհված երկաթուղայինների հիշատակին։

Տվյալներ

Հուշարձանի բարձրությունը հինգ մետր է, կառուցվել է երկաթուղայինների և հովանավորների կողմից կատարված նվիրատվությունների հաշվին։

Հեղինակ

• Քանդակագործ՝ Վյաչեսլավ Վերդյան

Մեջբերումներ հուշարձանի մասին

Հեղինակին հաջողվել է ոչ միայն այդ փոքր ստեղծագործությունում սեղմել ժամանակը, այնպես էլ իր գաղափարը մարմնավորել ինչ-որ երաժշտական ձևով՝ երկաթուղային գծերը որպես օրգանական շեփոր են ընկալվում։ - Հաղթանակ Շահումյան

Վերդյանն արվեստի մեր լավագույն գործիչներից մեկն է, և այդ հուշարձանն իր ամենահաջողված աշխատանքներից մեկն է։ - Տիգրան Արզումանյան

Այդ հուշարձանը մեր բոլոր զոհված մարտիկների փառահեղ պատիվն է։ - Սերգեյ Մալցև, Նկարիչ