Գևորգ Հաջյան
Գևորգ Հաջյան | |
---|---|
Ծնվել է | մարտի 27, 1947[1] (77 տարեկան) |
Ծննդավայր | Ջրառատ, Հայաստան |
Քաղաքացիություն | ԽՍՀՄ և Հայաստան |
Կրթություն | Երևանի պետական համալսարան (1970) |
Գիտական աստիճան | ֆիզիկամաթեմատիկական գիտությունների դոկտոր (2003) |
Մասնագիտություն | ֆիզիկոս-տեսաբան |
Աշխատավայր | Երևանի պետական համալսարան |
Գևորգ Սուրենի Հաջյան (մարտի 27, 1947[1], Ջրառատ, Հայաստան), հայ ֆիզիկոս-տեսաբան։ Ֆիզիկամաթեմատիկական գիտությունների դոկտոր (2003), պրոֆեսոր (2003):
Կենսագրություն[խմբագրել | խմբագրել կոդը]
Գևորգ Հաջյանը ծնվել է 1947 թվականի մարտի 27-ին, Ջրառատ (Հայաստան, Արմավիրի մարզ) գյուղում։ 1965-1970 թվականներին սովորել և ավարտել է Երևանի պետական համալսարանի ֆիզիկայի ֆակուլտետը։ 1970-1971 թվականներին եղել է Երևանի պետական համալսարանի Տեսական ֆիզիկայի ամբիոնի ասիստենտ։ 1971-1974 թվականներին սովորել է Երևանի պետական համալսարանի ասպիրանտուրայում, 1974-1977 թվականներին եղել է Երևանի պետական համալսարանի Միջուկային ֆիզիկայի ամբիոնի ասիստենտ։ 1976 թվականին եղել է Երևանի պետական համալսարանի Ֆիզիկամաթեմատիկական գիտությունների թեկնածու («Գերխիտ երկնային մարմինների արագ պտույտի և սառչելու տեսության վերաբերյալ»), 1977-1985 թվականներին՝ Երևանի պետական համալսարանի Միջուկային ֆիզիկայի ամբիոնի դոցենտ, 2001-2012 թվականներին՝ Երևանի պետական համալսարանի Ալիքային պրոցեսների տեսության և ֆիզիկայի ամբիոնի վարիչ[2][3][4]։
Աշխատանքները վերաբերում են գերխիստ երկնային մարմինների ֆիզիկային, մասնավորապես ուսումնասիրել է ջերմ նեյտրոնային աստղերը և սպիտակ թզուկների սառեցման երևույթը, պիոնային և տարօրինակ աստղերի մակերևութային լիցքավորված շերտի կառուցվածքը և դրանց դիտողական դրսևորումները։ Հաշվարկել է պտտվող և տատանվող սպիտակ թզուկների ու նեյտրոնային աստղերի ճառագայթած գրավիտացիոն ալիքների ինտենսիվությունը, բևեռացումը և տևողությունը։ Հետազոտել է Թորն Ժիտկովի օբյեկտների նմանակ՝ կենտրոնում նեյտրոնային աստղի փոխարեն տարօրինակ աստղ պարունակող կարմիր գերհսկայի ներքին կառուցվածքը, արտաքին դրսևորումներն ու կյանքի տևողությունը։
Անդամակցություն[խմբագրել | խմբագրել կոդը]
- Հայաստանի ֆիզիկոսների ընկերության անդամ
- ԵՊՀ ռադիոֆիզիկայի ֆակուլտետի գիտական և մեթոդական խորհրդների անդամ
- Proceedings of the YSU (Physical and Mathematical Sciences) ամսագրի խմբագրական կոլեգիայի անդամ
- 2015 թվականից «Երևանի Պետական Համալսարան» հիմնադրամի հոգաբարձունների խորհրդի անդամ
Պարգևներ[խմբագրել | խմբագրել կոդը]
- Երևանի պետական համալսարանի պատվոգիր
- ՀՀ ԿԳ նախարարության պատվոգիր
- Երևանի պետական համալսարանի ոսկե մեդալ
Աշխատությունններ[խմբագրել | խմբագրել կոդը]
- Ալիքային պրոցեսների տեսության հիմունքներ։ Դասագիրք / Գ. Հաջյան։ Երևանի պետական համալսարան։ Երևան։ ԵՊՀ հրատ., 2013: ISBN 9785808418011[5]
Ծանոթագրություններ[խմբագրել | խմբագրել կոդը]
- ↑ 1,0 1,1 http://am.hayazg.info/index.php?curid=9404
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
- ↑ «Գևորգ Սուրենի Հաջյան». www.ysu.am (անգլերեն). Արխիվացված է օրիգինալից 2019 թ․ հուլիսի 17-ին. Վերցված է 2019 թ․ հուլիսի 17-ին.
- ↑ «Գևորգ Սուրենի Հաջյան». ysu.am. Արխիվացված է օրիգինալից 2019 թ․ հուլիսի 17-ին. Վերցված է 2019 թ․ հուլիսի 17-ին.
- ↑ Հաջյան, Գևորգ Սուրենի (2013). Ալիքային պրոցեսների տեսության հիմունքներ։ Դասագիրք. Երևանի պետական համալսարան. Երևան: ԵՊՀ հրատ. ISBN 9785808418011.(չաշխատող հղում)
|