Գրիգորին և Ակսինյան (արձանախումբ)
 | |
|---|---|
 | |
 | |
| Տեսակ | հուշարձան |
| Ստեղծում | 1957 |
| Բարձրություն | 6,5 մետր |
| Երկիր |  Ռուսաստան |
| Բնակավայր | Վյոշենսկայա |
| Նյութ | բրոնզ |
| Ներկա վիճակ | կանգուն |
«Գրիգորին և Ակսինյան» քանդակագործական կոմպոզիցիա (ռուս.՝ Скульптурная композиция «Григорий и Аксинья»), գտնվում է ՌԴ Ռոստովի մարզի Վյոշենսկայա ստանիցայի կենտրոնում, Դոն գետի ափին։ Քանդակագործ Վ. Մոժաևի աշխատանքը ստեղծվել է Միխայիլ Շոլոխովի «Խաղաղ Դոն» վեպ-էպոպեայի մոտիվներով և նվիրված է երկու գլխավոր հերոսների` Գրիգորի Մելեխովի և Ակսինյա Աստախովայի հանդիպմանը։ ՌԴ մշակութային ժառանգության օբյեկտ է[1]։
Նկարագրություն[խմբագրել | խմբագրել կոդը]
Քանդակագործական կոմպոզիցիան պատկերում է «Խաղաղ Դոն» վեպի դրվագներից մեկը։ Պատահական չէ, որ հուշարձանը գտնվում է Դոնի բարձր ափին։ Ոտաբոբիկ Ակսինյան անկտին ուսին գնում է խուտորի կողմը։ Ճանապարհին նրան ուղեկցում է Գրիգորին ձիու վրա։ Քանդակագործը պատկերել է այն պահը, երբ Գրիգորին, ընկերական զրույց վարելով հարևանուհու հետ, կատակով փակում է նրա ճանապարհը։ Հուշարձանի բարձրությունը 6,5 մետր է[2]։
«Խաղաղ Դոնի» այն հատված է, որը պատկերում է արձանը.
- Ակսինյան հաշվողաբար ժպտաց ու շեղվեց կածանից` աշխատելով հեռանալ։
Գրիգորին շուռ տվեց ձին, փակեց նրա ճամփան։
- Թո՛ղ, Գրի՛շկա։
- Չե՛մ թողնի։
- Հիմարություն չանես, ես պետք է ճամփա գցեմ մարդուս։
Գրիգորին ժպտալով քշում էր ձին։ Ակսինյային քշում էր դեպի զառիթափը։
- Թո՛ղ, է՜, սատանա, հրե՛ն, մարդիկ են երևում։ Որ տեսնեն, ի՞նչ կասեն։
Ակսինյան վախեցած նայեց դես ու դեն, անցավ խոժոռվելով ու առանց հետ նայելու։
Պատմություն[խմբագրել | խմբագրել կոդը]
.jpg)
Հուշարձանի նախագիծը 1957 թվականին ստեղծել է քանդակագործ Ն. Վ. Մոժաևը։ Նրա հետ աշխատել են նաև Է. Մ. Մոժաևան, Վ. Գ. Դեսյատնիչուկը, Վ. Ի. Վոլոշինը, Գ. Խոլոդնին[3]։ Էսքիզները ցույց են տրվել «Խաղաղ Դոնի» հեղինակ Միխայիլ Շոլոխովին։ Գրողը որոշ ճշգրտումներ է արել` խորհուրդ տալով կոնաձև դույլերը փոխարինել գլանաձևով, իսկ արաբական ձին` Դոնի ձիով։ Նախագիծը կյանքի է կոչվել միայն 26 տարի հետո։ Հուշարձանը բացվել է գետի կայարանի դիմաց` Դոնի Ռոստովի հանգստի բազայի շրջանում, 1983 թվականին։
1995 թվականին շոլոխովյան կերպարների` 12 տոննա ընդհանուր զանգվածով քանդակը տեղափոխվել է գրողի ծննդավայր` Վյոշենսկայա ստանիցա, որտեղ և զարգանում են վեպի իրադարձությունները[4]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «О включении выявленного объекта культурного наследия «Скульптурная композиция «Григорий и Аксинья» в единый государственный реестр объектов культурного наследия...» (PDF). Վերցված է 2017 Մարտ 14-ին.(չաշխատող հղում)
- ↑ «Описание Скульптурная композиция "Григорий и Аксинья"» (ռուսերեն). Rutraveller. Արխիվացված է օրիգինալից 2016 թ․ դեկտեմբերի 20-ին. Վերցված է 2017 թ․ մարտի 3-ին.
- ↑ «Памятники литературным героям». Государственный музей-заповедник М. А. Шолохова. Վերցված է 2017 թ․ մարտի 3-ին.
- ↑ «Ой ты, наш батюшка тихий Дон!». Библиотека Шадринского государственного педагогического университета. Արխիվացված է օրիգինալից 2017 թ․ փետրվարի 12-ին. Վերցված է 2017 թ․ մարտի 3-ին.