Գահավորակի զարդեր (մ.թ.ա. 15-14-րդ դարեր, Լճաշեն)
 | |
|---|---|
| նյութ | բրոնզ |
| բարձրություն | 7,4 սանտիմետր |
| լայնություն | 8 սանտիմետր |
Գահավորակի զարդեր (մ.թ.ա. 15-14-րդ դարեր, Լճաշեն), գահավորակի բազմանիստ սնամեջ զարդեր՝ հարդարված եռանկյունաձև կտրվածքներով (ներսում պահպանվել են փայտի առարկայի մնացորդներ)։ Պահվում են Երևանում գտնվող Հայաստանի պատմության թանգարանում և գրանցված են 2009-51, 52 համարների տակ։
Զարդերը համարվում են Ք. ա. 15-14-րդ դարերի հնություն, բրոնզից են, չափերը՝ 7,4×8×3 սմ։ Հայտնաբերվել են Հայաստանի Գեղարքունիքի մարզի Լճաշեն գյուղի տարածքում։
Նկարագրություն[խմբագրել | խմբագրել կոդը]
Զարդերից յուրաքանչյուրի մեկական նիստի վրա զետեղված է առյուծի մանրաքանդակ։ Կենդանին խոշորագլուխ է` փարթամ բաշով, աչքերը կլոր փոսորակներ են։ Իրանը կլոր է` ընդգծված մկանունքով, գավակը քիչ բարձր, ոտքերը կքած են և առաջ մեկնած։ Պոչը երկար է` ծայրում ոլորված։ Առյուծի ոտքերի տակ` դիմահայաց նսիտի վրա, լայն բացած բերանով, դուրս պրծած աչքերով գորտի ոճավորված մանրաքանդակ է[1]։
Ծանոթագրություններ[խմբագրել | խմբագրել կոդը]
- ↑ Հայացք բրոնզե դարից, Ալբոմ-կատալոգ, Հայաստանի պատմության թանգարան, 2016, 160 էջ։ A Glance from the Bronze Age. Yerevan, History Museum of Armenia, 2016, 160 pages.
Արտաքին հղումներ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- Հայացք բրոնզե դարից, Ալբոմ-կատալոգ, Հայաստանի պատմության թանգարան, 2010։
- Հասմիկ Իսրայելյան - Պաշտամունքն ու հավատալիքները ուշ բրոնզեդարյան Հայաստանում, Երևան, 1973։
- Հարություն Մնացականյան, Լճաշենի մշակույթի զարգացման հիմնական էտապները, Երևան, 1968։
Այս հոդվածի կամ նրա բաժնի որոշակի հատվածի սկզբնական տարբերակի նյութը տրամադրված է Հայաստանի պատմության թանգարանի կողմից ԳԼԱՄ ծրագրի շրջանակներում։  |