Բոբ Ավագյան
- Վիքիպեդիայում կան հոդվածներ Ավագյան ազգանունով այլ մարդկանց մասին։
| Բոբ Ավագյան | |
|---|---|
| Ծնվել է | մարտի 7, 1943 (81 տարեկան) |
| Ծննդավայր | Վաշինգտոն, Կոլումբիայի շրջան, ԱՄՆ |
| Քաղաքացիություն |  ԱՄՆ |
| Կրոն | աթեիզմ |
| Մասնագիտություն | քաղաքական գործիչ, ինքնակենսագիր, գրող, հակապատերազմային ակտիվիստ և իրավապաշտպան |
| Կուսակցություն | Revolutionary Communist Party? և Peace and Freedom Party? |
| Կայք | thebobavakianinstitute.org |
Բոբ (Ռոբերտ) Սպերջենի Ավագյան (անգլ.՝ Bob Avakian, մարտի 7, 1943, Վաշինգտոն, Կոլումբիայի շրջան, ԱՄՆ)՝ ամերիկահայ քաղաքական գործիչ, մաոիստական գաղափարախոսության հետևորդ, ԱՄՆ հեղափոխական կոմունիստական կուսակցության (ՀԿԿ) նախագահ, սոցիալիստ։
Կենսագրություն[խմբագրել | խմբագրել կոդը]
Ռոբերտ (Բրյուս) Ավագյանը ծնվել է 1943 թվականին Վաշինգտոնում, մեծացել է Բերքլիում։ Նրա հայրը եղել է փաստաբան , իրավապաշտպան և դատավոր Ալամեդա շրջանում[1][2]։ Բոբի տատն ու պապը Արևմտյան Հայաստանից Հայոց ցեղասպանության ժամանակ գաղթվել են Ֆրեզնո քաղաք[3]։
Քաղաքական կարիերա[խմբագրել | խմբագրել կոդը]
1961 թվականին Ավագյանն ընդունվել է Բերլկիի համալսարան։ Ուսման ընթացքում անդրադարձել է ԱՄՆ-ում տիրող անհանդուրժողականությանը, դարձել է ազատ խոսքի և ուսանողական շարժումների ակտիվիստ։ Ավագյանը պաշտպանում էր սևամորթների ու կանանց ազատության գաղափարը։ Եղել է «Ուսանողները հանուն ժողովրդավարական հասարակության» կազմակերպության և «Սև Հովազներ» կուսակցության անդամ[4]։ 1967 թվականին Ավագյանը տեղափոխվում է աղքատության մեջ գտնվող Ռիչմոնդ քաղաքը, հավաքագրում և ստեղծում բանվորական կոլեկտիվ[5]։ Ավագյանը իր գաղափարակիցների հետ ուսումնասիրում է մարքսիզմի տեսություն, մաոիզմի հիմնադիր Մաո Ցզե-Դունի աշխատությունները և ԱՄՆ-ում հեղափոխություն իրականացնելու հարցը։ Ավագյանը ցանկանում էր ստեղծել այնպիսի հասարակարգ որտեղ վերանան բոլոր տեսակի անհավասարություններն ու ճնշումները։ 1968 թվականից Ավագյանը Բերկլիում մասնակցում է «Ուսանողները հանուն ժողովրդավարական հասարակության» կազմակերպության և «Սև հովազներ» կուսակցության գործունեությանը[6]։ 1969 թվականին մասնակցել է Օքլենդում տեղի ունեցած «Սև հովազներ» կուսակցության համաժողովին[7]։ Նույն թվականին «Ուսանողները հանուն ժողովրդավարական հասարակության» կազմակերպությունը բաժանվում է երեք խմբակցություն, և Ավագյանը դառնում է դրանցից մեկի՝ «Հեղափոխական երիտասարդական շարժում» խմբակցության ազգային քարտուղարի թեկնածուներից և գլխավոր անդամներից մեկը։ Հետագայում քարտուղարի ընտրությունների ժամանակ Ավագյանը զիջում է իր տեղը Մարկ Ռադիին, իսկ ինքը ընտրվում է Ազգային ժամանակավոր կոմիտեում[8]։ 1970-ականների սկզբին Ավագյանին ձերբակալում են ցույցերի ժամանակ ամերիկյան դրոշը սրբապղծություն համար։ 1979 թվականի հունվարին նրան մեղադրում են բողոքի ցույց է կազմակերպելու ընդդեմ Ջիմի Քարթերի և Դեն Սյաոպինի հանդիպման և ոստիկանության աշխատակցի վրա հարձակում գործելու մեջ[9]։ Ձերբակալման հրամանագիրը տրվելուց հետո Ավագյանը փախչում է Ֆրանսիա։ Մի քանի տարի անց հանվում է նրա դեմ հարուցված մեղադրանքը։ 1980 թվականին նա ելույթ է ունեցել Օքլենդի կենտրոնում հավաքված մոտ 200 ցուցարարների առջև[10]։ 2000 թվականին նա ելույթներով շրջագայում է ԱՄՆ-ում[11], և նույն թվականին լույս է տեսնում նրա ինքնակենսագրությունը[12][13]։
1979 թվականին Բոբ Ավագյանը ընտրվել է ԱՄՆ-ի Հեղափոխական կոմունիստական կուսակցության գլխավոր կոմիտեի նախագահ[14]։
Բոբ Ավագյանը ունի բազմաթիվ աշխատություններ, որոնք թարգմանվել են տարբեր լեզուներով և հրապարակվել տարբեր հանդեսներում։
Ծանոթագրություններ[խմբագրել | խմբագրել կոդը]
- ↑ Baum, Richard (2010). China Watcher: Confessions of a Peking Tom (1st ed.). University of Washington Press. էջ 241. ISBN 9780295800219.
- ↑ DelVecchio, Rick (2002 թ․ փետրվարի 2). «'Sparky' Avakian -- racism-fighting judge». San Francisco Chronicle.
- ↑ Bob Avakian
- ↑ Американский Сталин Боб Авакян
- ↑ «MORE ABOUT BOB AVAKIAN». Արխիվացված է օրիգինալից 2017 թ․ սեպտեմբերի 6-ին. Վերցված է 2017 թ․ սեպտեմբերի 2-ին.
- ↑ China Watcher: Confessions of a Peking Tom
- ↑ Looking Ahead
- ↑ Sale, Kirkpatrick (1974). SDS. New York: Vintage Books. էջեր 412, 521, 566, 576, 592. ISBN 0394719654.
- ↑ Athan G. Theoharis, «FBI Surveillance: Past and Present», Cornell Law Review, Vol. 69 (April 1984); and Peter Erlinder with Doug Cassel, «Bazooka Justice: The Case of the Mao Tse Tung Defendants — Overreaction Or Foreshadowing?»
- ↑ «Scores arrested, Injured In May Day Violence». Logansport Pharos-Tribune. UPI. 1980 թ․ մայիսի 2.
- ↑ Buchwald, Art (2000 թ․ օգոստոսի 12). «Leisure Will Kill You». Indiana Gazette.
- ↑ Jacobs, Ron (Feb 5–7, 2005). «A Life of Revolution in a Country of Reaction». CounterPunch. Արխիվացված է օրիգինալից 2005 թ․ փետրվարի 10-ին. Վերցված է 2017 թ․ սեպտեմբերի 4-ին.
- ↑ DelVecchio, Rick (2005 թ․ ապրիլի 29). «Berkeley: Memoir follows author's road to communism». San Francisco Chronicle. Արխիվացված է օրիգինալից 2012 թ․ ապրիլի 26-ին. Վերցված է 2017 թ․ սեպտեմբերի 4-ին.
- ↑ Unknown (1979 թ․ դեկտեմբերի 6). «Communists get year sentence for disruption». The Daily Tar Heel. Chapel Hill, North Carolina. էջ 2.
Արտաքին հղումներ[խմբագրել | խմբագրել կոդը]
| ||||||||||||||||||||
