Բարբադոսի խոհանոց
| Բարբադոսի խոհանոց | |
|---|---|
 Cuisine of Barbados Վիքիպահեստում |
Բարբադոսի խոհանոց (հայտնի է նաև որպես բեջենզական խոհանոց), Բարբադոսի ազգային խոհանոց։ Աֆրիկյան, պորտուգալական, հնդկական, իռլանդական, կրեոլական և բրիտանական խոհանոցի խառնուրդ է։ Տիպիկ ճաշը բաղկացած է մսի կամ ձկան հիմնական ուտեստից, որը սովորաբար համեմված է խոտաբույսերի և համեմունքների խառնուրդով, տաք կողմնակի ուտեստներով և մեկ կամ մի քանի աղցաններով։ Ուտեստները սովորաբար մատուցվում են մեկ կամ մի քանի թանձրուկներով[1]։
Բարբադոսի ազգային ուտեստներից մեկը կու-կու-ն է որը պատրաստված է եգիպտացորենի ալյուրից և խորջրյա ծովախեցգետիններից և տապակած թռչող ձկներից՝ համեմված սոուսով[2]։ Ռեստորանների մեծ մասում կարելի է պատվիրել թագավորական և թռչող ձկների բազմազան ուտեստներ։ Տեղական դելիկատես է համարվում նաև կակղամորթի տեսակը, որը կոչվում է կոնչ (անգլ.՝ conch), որից պատրաստվում է ապուր, թխվում են նրբաբլիթներ, պատրաստվում են կոկտեյլներ։ Բարբադոսի խոհանոցը ներկայացնող ուտեստների շարքում է բուլիջոլը(անգլ.՝ buljol), սառը աղցան՝ պատրաստված ձողաձուկից, լոլիկից, սոխից, բուլղարական պղպեղից և մարինացված մաղադանոսից։ Կալալուն նույնպես պատկանում է նրանց (անգլ.՝ callaloo), բանջարեղենով, ծովախեցգետնի մսով և սպանախի նման նույնանուն խոտով ապուր[3]։
Ուտեստներից մեկը՝ կոնկիսը, հացահատիկի, կոկոսի, քաղցր կարտոֆիլի, չամիչի, դդմի, շաքարի և համեմունքների հատուկ մշակված խառնուրդ է, որը մատուցվում է բանանի տերևի վրա։ Կանապեները, մսով կամ պանրով լցոնած տորտիլայի գլանափաթեթները, կոկոսի հացը և տարածված "ռոտիները" հաճախ օգտագործվում են որպես նախուտեստ՝ անթթխմոր ալյուրից պատրաստված տորտիլաներ, որոնց մեջ փաթաթում են համեմված կարրիով մսի և բանջարեղենի միջուկը։ Ուտեստը, որը հայտնի է որպես Ջագ-Ջագ, պատրաստվում է հացահատիկով և կանաչ ոլոռով, տոնական սեղանի բավականին կանոնավոր բաղադրիչ է[4]։
Մսի և թռչնամսի մի շարք տեսակներ լայնորեն օգտագործվում են, բայց ամենատարածվածը խոզի միսն է, որից պատրաստում են հսկայական քանակությամբ ուտեստներ՝ ավանդական շնիցելներից և կոտլետներից մինչև մի տեսակ քաբաբ՝ կծու սոուսով կամ գունագեղ ուտեստով՝ մարինացված և տապակած խոզի միս, որը մատուցվում է քաղցր կարտոֆիլով, սոխով, վարունգով, մի շարք խոտաբույսերով և պղպեղի սոուսով։ Բարբադոսցիները հատկապես սիրում են պեպպերպոտ կամ կոհոբլոպոտ՝ կծու միս, որը շոգեխաշած է բամիայով, ինչպես նաև «ջամփ-ափ»՝ գառան կողիկներ կծու սոուսով[4]։
Բարբադոսում ձուկը համարվում է երկրի խոհանոցի նշանակալի մասը. սեղանին մատուցվում է ծովաոզնի (ուրսին կամ ծովային ձու), օմար, ծովախեցգետին, դորադո, լուցիան, սկումբրիա, թունա, շնաձուկ և բարակուդա։ Ձուկը սովորաբար մատուցվում է բրնձով բոլոր տեսակի սոուսներով, ինչպես նաև բազմաթիվ տեղական բանջարեղեններով և արմատային մշակաբույսերով, որոնք այստեղ աճեցվում են հսկայական քանակությամբ՝ յամ, սմբուկ, բաթաթ, մանիոկ, հացաթխման մրգեր, դդում, ավոկադո, կանաչ բանան, գուավա, բահանի բալ, ռամպա, նարինջ, հնդկական խուրմա, խնձոր, սապոդիլա և այլն[5]։
Ռոմը Բարբադոսի բնորոշ ըմպելիքն է։ Ռոմի արտադրամասում անցկացվում է էքսկուրսիա, որին հաջորդում է համտեսումը։ Կղզում կա մոտ 1000 ռոմի խանութ։ Ավանդական է նաև ռոմի վրա հիմնված ըմպելիքը՝ ֆալերնում։ Որպես աղանդեր հաճախ օգտագործում են մանգո, պապայա կամ անթիլյան ծիրան[3]։
Ծանոթագրություններ[խմբագրել | խմբագրել կոդը]
- ↑ Barbados Food Արխիվացված 2015-03-29 Wayback Machine. Totally Barbados. Retrieved 25 January 2011.
- ↑ Barbados National Dish: Coucou & Flying Fish Արխիվացված 2011-06-16 Wayback Machine. Epicurian Tourist. 25 December 2007. Retrieved 21 January 2011.
- ↑ 3,0 3,1 «Барбадосская кухня». www.latamerica.ru. Արխիվացված օրիգինալից 2021 թ․ հունիսի 26-ին. Վերցված է 2021 թ․ հունիսի 26-ին.
- ↑ 4,0 4,1 «Кухня Барбадоса». guide.travel.ru. Արխիվացված օրիգինալից 2021 թ․ հունիսի 26-ին. Վերցված է 2021 թ․ հունիսի 26-ին.
- ↑ «Барбадос (Барбадоская кухня)». www.healthy-life.narod.ru. Արխիվացված օրիգինալից 2021 թ․ հունիսի 26-ին. Վերցված է 2021 թ․ հունիսի 26-ին.