Բասկերի հողեր

Բասկերի երկիրը Եվրոպայի քարտեզին

Բասկերի հողերը (բասկ. Euskal Herria, իսպաներեն՝ País Vasco, ֆրանսերեն՝ Pays Basque) բասկերի բնակեցման ավանդական տարածքներն են ներկայիս Ֆրանսիայի հարավում և Իսպանիայի հյուսիսում (Բիսկայան ծոցի ափը): Պետք չե շփոթել Իսպանիայի ինքնավար համայքն Բասկերի երկրի հետ:

Բովանդակություն

Բասկերի երկիրը գտնվում է Պիրենեյների արևմտյան մասում, Ատլանտյան օվկիանոսի ափին: Կազմված է Բասկերի երկիր և Նավարրա ինքնավար համայնքներից Իսպանիայում և Բասկերի հյուսիսային (ֆրանսիական) երկրից Ֆրանսիայում: Բասկերի երկիը բասկերենի օգտագործման և բասկ ժողովրդի բնակեցման հիմնական տարածքն է:

Բասկերի իսպանական, կամ էլ հարավային երկիրը կազմված է հետևյալ նահանգներից՝

Ալավա կամ էլ Արաբա (իսպաներեն՝ Álava, բասկ. Araba), վարչկենտրոնը՝ Վիտորիա: Վիտորիան միաժամանակ Բասկերի Երկիր ինքնավար համայնքի մայրաքաղաքն է:
Բիսկայա (իսպաներեն՝ Vizcaya, բասկ. Bizkaia), վարչկենտրոնը՝ Բիլբաո:
Գիպուսկոա (իսպաներեն՝ Guipúzcoa, բասկ. Gipuzkoa), վարչկենտրոնը՝ Սան Սեբաստյան:
Նավարրա (իսպաներեն՝ Comunidad Foral de Navarra, բասկ. Nafarroako Foru Erkidegoa) — նահանգ և ինքնավար մարզ, վարչկենտրոնը՝ Պամպլոնա (Իրունյա):

Մինչև Ֆրանսիական մեծ հեղափոխությունը Բասկերի երկրի ֆրանսիական մասը կազմված էր Լաբուր, Զուբերու և Ներքին Նավարրա (Նավարրա թագավորության կազմում) նահագներից: Հեղափոխությունից հետո Ֆրանսիայի նահանգներից բաժանումը լուծարված է եղել: