Բասենցի Ազոյան

Բասենցի Ազոյան;
Ծնվել է	նոյեմբերի 30, 1947
Ծննդավայր	Վաղատին, Սիսիանի շրջան, Հայկական ԽՍՀ, ԽՍՀՄ
Մահացել է	հունիսի 12, 2006 (58 տարեկան)
Մահվան վայր	Երևան, Հայաստան
Գերեզման	Եռաբլուր
Քաղաքացիություն	Հայաստան
Կրթություն	Երևանի պետական համալսարան; Մոսկվայի հետախուզական ինստիտուտ
Մասնագիտություն	դիվանագետ
Պարգևներ և ; մրցանակներ

Բասենցի Բաղդասարի Ազոյան (նոյեմբերի 30, 1947(1947-11-30), Վաղատին, Սիսիանի շրջան, Հայկական ԽՍՀ, ԽՍՀՄ - հունիսի 12, 2006(2006-06-12), Երևան, Հայաստան), արևելագետ, դիվանագետ, հետախույզ։ ՀՀ բանակի գեներալ-մայոր 2002: Հովիկ Բաղդասարի Ազոյանի եղբայրը։

Կենսագրություն[խմբագրել | խմբագրել կոդը]

1970 թվականին ավարտել է Երևանի պետական համալսարանի արևելագիտության ֆակուլտետը, 1971 թվականին՝ Մինսկի հակահետախուզական բարձրագույն դասընթացները, 1978 թվականին՝ Մոսկվայի հետախուզական ինստիտուտը, 1998 և 2000 թվականներին եղել է Ջ. Մարշալի անվան անվտանգության հետազոտությունների Եվրոպական կենտրոնի (Գերմանիա), 2002 թվականին՝ Հարվարդի համալսարանի (ԱՄՆ) Ջ. Քենեդիի անվան կառավարման քոլեջի դասընթացների ունկնդիր։ 1970-1972 թվականներին ծառայել է ԽՍՀՄ Զինված ուժերում։ 1973-1980 թվականներին աշխատել է ԽՍՀՄ հետախուզության համակարգում, 1980-1983 թվականներին՝ Իրանի Իսլամական Հանրապետությունում ԽՄՀՄ դեսպանության կցորդ, 1983-1986 թվականներին՝ Աֆղանստանում՝ փոխհյուպատոս։ 1992-1995 թվականներին՝ ՀՀ ԱԱ հետախուզության գլխավոր վարչության ղեկավար, 1995 թվականից՝ ՀՀ Զինված ուժերի գլխավոր շտաբի հետախուզության վարչության պետ-գլխավոր շտաբի պետի տեղակալ։ 1992-1994 թվականներին առաջադրանքներ է կատարել ՀՀ սահմանամերձ շրջաններում։

Մահացել է 2006 թվականի հունիսի 12-ին Երևանում։ Թաղված է Եռաբլուրում։

Պարգևներ[խմբագրել | խմբագրել կոդը]

ՀՀ «Արիություն» մեդալ
ՊՆ «Անդրանիկ Օզանյան» մեդալ
«Մարշալ Բաղրամյան-100» մեդալ
«Գարեգին Նժդեհ» մեդալ
«Անբասիր ծառայության համար» մեդալ, առաջին աստիճանի
«Անբասիր ծառայության համար» մեդալ, երկրորդ աստիճանի
«Մարտական ծառայության համար» մեդալ
«Համագործակցության ամրապնդման համար» մեդալ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։