Ասպլեն Վորոնովի
| Ասպլեն Վորոնովի | |
| Դասակարգում | |
| Թագավորություն | Բույսեր (Plantae) |
| Դաս | Polypodiopsida |
| Ենթադաս | Polypodiidae |
| Կարգ | Բազմոտիկներ (Polypodiales) |
| Ենթակարգ | Aspleniineae |
| Ընտանիք | Aspleniaceae |
| Ցեղ | Լեզվապտեր (Asplenium) |
| Տեսակ | Ասպլեն Վորոնովի (A. woronowii) |
| Միջազգային անվանում | |
| Asplenium woronowii | |
Ասպլեն Վորոնովի (լատին․՝ Asplenium woronowii Christ), ասպլենազգիների ընտանիքին պատկանող պտերանման բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Կոճղարմատավոր, բազմամյա բույս է։ Բարձրությունը հասնում է մոտ 20 սմ-ի։ Վայրի թիթեղը փափուկ է, կաշեկերպ, անփայլ-կանաչ, երկարավուն նշտարաձև։ Կոթունը թիթեղին հավասար է[1]։
Տարածվածություն[խմբագրել | խմբագրել կոդը]
Հայաստանում հանդիպում է Լոռու (Սպիտակի, Բազումի լեռնաշղթաներ) և Զանգեզուրի (Կապանի) ֆլորիստիկական շրջաններում։ Հանդիպում է նաև Արևմտյան Կովկասում, Հարավարևմտյան և Կենտրոնական Անդրկովկասում, Թուրքիայում[1]։
Էկալոգիա[խմբագրել | խմբագրել կոդը]
Աճում է ստորին լեռնային գոտուց մինչև ենթալպյան գոտի՝ ծովի մակարդակից 900-2500 մ բարձրությունների վրա, անտառների քարքարոտ տեղերում, ժայռերի միջև[1]։
Պահպանություն[խմբագրել | խմբագրել կոդը]
Վտանգված տեսակ է։ Հայտնի է 3 աճելավայրեր, որոնցից մեկը գտնվում է զգալի հեռավորության վրա։ Տարածման շրջանի մակերեսը 5000 կմ²-ից պակաս է, բնակության շրջանի մակերեսը՝ 500 կմ²-ից պակաս։ Տեսակին աճելավայրի պայմանների փոփոխության հետ կապված սպառնում է տարածման և բնակության շրջանների կրճատում։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES-ի և Բեռնի կոնվենցիաների հավելվածներում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Ասպլեն Վորոնովի» հոդվածին։ |
|
