Անդրանիկ Տեր-Ստեփանյան
Անդրանիկ Տեր-Ստեփանյան | |
---|---|
Ծնվել է | մարտի 31, 1918 |
Ծննդավայր | Սիմֆերոպոլ, Տավրիկյան նահանգ |
Մահացել է | մարտի 12, 1996 (77 տարեկան) |
Մահվան վայր | Կոլոմնա, Մոսկվայի մարզ, Ռուսաստան |
Գերեզման | Կոլոմնա |
Քաղաքացիություն | ԽՍՀՄ |
Մայրենի լեզու | ռուսերեն |
Կրթություն | Մոսկվայի Ն. Բաումանի անվան պետական տեխնիկական համալսարան |
Մասնագիտություն | ճարտարագետ |
Պարգևներ և մրցանակներ |
Անդրանիկ Սմբատի Տեր-Ստեփանյան (մարտի 31, 1918, Սիմֆերոպոլ, Տավրիկյան նահանգ - մարտի 12, 1996, Կոլոմնա, Մոսկվայի մարզ, Ռուսաստան), հրթիռային տեխնիկայի բնագավառի կոնստրուկտոր և արտադրության կազմակերպիչ։ Սոցիալիստական աշխատանքի հերոս (1981)։
Կենսագրություն[խմբագրել | խմբագրել կոդը]
Անդրանիկը ծնվել է Ղրիմի Սիմֆերոպոլ քաղաքում ջրի փոխադրող Մինաս Բալիկյանի և նրա կնոջ՝ տնային տնտեսուհի Մարիամի ընտանիքում։ Եղել է ընտանիքի վեցերորդ երեխան։ Ապրել են դժվար պայմաններում, ուստի Մարիամի եղբայրը՝ Սմբատ Տեր-Ստեփանյանը, ով տիկնոջ հետ երեխաներ չուներ, համոզեց Բալիկյան զույգին Անդրանիկին իրեն տալ, և նրան որդեգրեց և տվեց իր ազգանունը[1]։
Անդրանիկի խորթ հայրն աշխատում էր որպես ուսուցիչ, և նա Անդրանիկին տանում է ռուսական դպրոց, որն այն ավարտում է ոսկե մեդալով։ 1941 թվականին Անդրանիկ Տեր-Ստեփանյանն ավարտել է Մոսկվայի Ն. Բաումանի անվան պետական տեխնիկական համալսարանը, սակայն Հայրենական մեծ պատերազմի պատճառով նրան չի հաջողվել դիպլոմ ստանալ և ուղարկվում է Կոլոմնայում գտնվող Վորոշիլովի անվան ռազմական գործարանում աշխատելու, այնուհետև տարհանվել է Կրասնոյարսկ։ Եղել է արտադրամասի ավագ տեխնոլոգ։ Պատերազմի ավարտից հետո վերադարձել է Բաումանի անվան պետական տեխնիկական համալսարան և 1946 թվականին ստացել դիպլոմ[2]։
1946-1995 թվականներին աշխատել է Կոլոմնայի մեքենաշինական ռազմական ձեռնարկություններում, 1961-1966 թվականներին եղել կոնստրուկտորական բյուրոյի պետ, 1966-1971 թվականներին՝ գլխավոր կոնստրուկտորի, 1971-1995 թվականներին՝ պետի տեղակալ[3][4]։
Մասնակցել է ռազմական սպառազինության, այդ թվում «Մալյուտկա», «Շտուրմ-Ս», «Շտուրմ-Վ» հակատանկային, «Ստրելա-2», «Ստրելա-2Մ», «Ստրելա-3», «Իգլա-1», «Տոչկա-Ու» մարտավարական, «Օսկա» օպերատիվ-մարտավարական հրթիռային համալիրների մշակմանն ու արտադրությանը[3]։
Մահացել է 1996 թվականին Կոլոմնայում, որտեղ էլ թաղված է։
Պարգևներ[խմբագրել | խմբագրել կոդը]
- ԽՍՀՄ Պետական մրցանակ, 1969
- Լենինյան մրցանակ, 1979
- Լենինի շքանշան (2)
- Հոկտեմբերյան հեղափոխության շքանշան
- Աշխատանքային կարմիր դրոշի շքանշան
- Սոցիալիստական աշխատանքի հերոս, 1981
Ծանոթագրություններ[խմբագրել | խմբագրել կոդը]
- ↑ Zagonsky, Dan. «Угол зрения - информационный еженедельник - Секретный коломенский армянин Тер-Степаньян». uz.colomna.ru (ռուսերեն). Արխիվացված է օրիգինալից 2016 թ․ ապրիլի 13-ին. Վերցված է 2018 թ․ հունվարի 30-ին.
- ↑ «Армяне в ракетной технике, космонавтике и артиллерии | Наша среда». nashasreda.ru (ռուսերեն). Արխիվացված է օրիգինալից 2018 թ․ հունվարի 31-ին. Վերցված է 2018 թ․ հունվարի 30-ին.
- ↑ 3,0 3,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007։
- ↑ «Андраник Тер-Степанян». HAYRENIQ.ru - Армянский информационно - развлекательный портал (անգլերեն). Վերցված է 2018 թ․ հունվարի 30-ին.
Գրականություն[խմբագրել | խմբագրել կոդը]
- Армяне-народ созидатель чужих цивилизаций: 1000 известных армян в мировой истории/С.Ширинян.-Ер.: Авт. изд., 2014, стр.337, ISBN 978-9939-0-1120-2.
- Саркисян А.Е. Армяне-военные ученые, конструкторы, производственники и испытатели XX века. Ер.,1988, с.100-104.
- Саркисян А.Е. Армяне-военные ученые, конструкторы, производственники и испытатели XX века. Ер., 2005, с.111-122.
|
- Մարտի 31 ծնունդներ
- 1918 ծնունդներ
- Սիմֆերոպոլ քաղաքում ծնվածներ
- Մարտի 12 մահեր
- 1996 մահեր
- Ռուսաստանում մահացածներ
- Ռուսաստանում թաղվածներ
- Մոսկվայի պետական տեխնիկական համալսարանի շրջանավարտներ
- Սոցիալիստական աշխատանքի հերոսներ
- Լենինի շքանշանի ասպետներ
- Հոկտեմբերյան հեղափոխության շքանշանով պարգևատրվածներ
- Աշխատանքային կարմիր դրոշի շքանշանի ասպետներ
- Լենինյան մրցանակի դափնեկիրներ
- ԽՍՀՄ Պետական մրցանակի դափնեկիրներ
- Անձինք այբբենական կարգով
- Հայ կոնստրուկտորներ