Ալեքսանդր Պուշկինի հուշարձան (Պետրոզավոդսկ)
- Անվան այլ կիրառումների համար տե՛ս՝ Ալեքսանդր Պուշկինի հուշարձան (այլ կիրառումներ)
Ալեքսանդր Պուշկինի հուշարձան | |
---|---|
Ալեքսանդր Պուշկինի հուշարձանը | |
Տեսակ | հուշարձան |
Ստեղծում | 1966 |
Երկիր | Ռուսաստան |
Բնակավայր | Պետրոզավոդսկ |
Շինության ձև | Քանդակ |
Նյութ | բրոնզ և գրանիտ |
Ներկա վիճակ | Կանգուն |
Statue of Pushkin, Petrozavodsk Վիքիպահեստում |
Ալեքսանդր Պուշկինի հուշարձան (ռուս.՝ Памятник Александру Пушкину), հուշարձան Ռուսաստանի Կարելիայի Հանրապետության Պետրոզավոդսկ քաղաքում։ Հեղինակն է քանդակագործ Գավրիիլ Շուլցը։ Արձանը տեղադրվել է 1966 թվականին։
Պատմություն[խմբագրել | խմբագրել կոդը]
Ռուս մեծ բանաստեղծ Ալեքսանդր Սերգեևիչ Պուշկինի հուշարձանը տեղադրվել է 1966 թվականին նրա անունը կրող փողոցի պուրակում, Կարելիայի Հանրապետության ազգային գրադարանի կողքին։ Հուշարձանի հեղինակն է Մոսկվայի գեղարվեստաարդյունաբերական բարձրագույն դպրոցի պրոֆեսոր, քանդակագործ Գավրիիլ Ալեքսանդրովիչ Շուլցը (1904-1984)։
Նկարագրություն[խմբագրել | խմբագրել կոդը]
Հուշարձանը ձուլվել է բրոնզից Միտիշչիի գեղարվեստական ձուլման գործարանում։ Քանդակագործական հորինվածք է, որտեղ բանաստեղծը կանգնած է` հենվելով ոչ բարձր պատին, ձեռքերը խաչաձև ծալած կրծքին, ձախ ոտքի ծունկը փոքր-ինչ ծալած։ Պուշկինի հագին երկեզր սերթուկ է, գլուխը ծածկված չէ[1]։
Քանդակը տեղադրված է ցածր ուղղանկյունաձև պատվանդանի վրա, որը երեսպատված է Ռիբորեցկի մոխրագույն գրանիտի բլոկներով։ Պատվանդանի վերին հատվածում փորագրված է` «Ա. Ս. Պուշկին»։ Հուշարձանի ճարտարապետական հատվածի հեղինակներն են ճարտարապետ Վ. Ի. Անտոխինը, Յ. Յ. Կարման, Ի. Ի. Ակսենտևը[1]։
Քանդակի բարձրությունը 3 մետր է, պատվանդանինը` 0,9 մետր[1]։
Ամեն տարի հունիսի 6-ին` Պուշկինի ծննդյան օրը, Կարելիայի Հանրապետության գրողների միությունը և Ազգային գրադարանը անցկացնում են պոեզիայի տոն։ Նրա տաղանդի պետրոզավոդսկցի երկրպագուները հավաքվում են բանաստեղծի հուշարձանի մոտի պուրակում[1]։
Պատկերասրահ[խմբագրել | խմբագրել կոդը]
-
Հուշարձանի տեսքը կողքից
-
Հուշարձանը մոտիկից
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 «Памятник А.С.Пушкину». Արխիվացված է օրիգինալից 2018 թ․ դեկտեմբերի 19-ին. Վերցված է 2018 Դեկտեմբեր 20-ին.