Օրհնյալ է Ռուսաստանի և Հայաստանի ժողովուրդների դարավոր բարեկամությունը

Արտաքին պատկերներ
	«Օրհնյալ է Ռուսաստանի և Հայաստանի ժողովուրդների դարավոր բարեկամությունը»

«Օրհնյալ է Ռուսաստանի և Հայաստանի ժողովուրդների դարավոր բարեկամությունը»;
	«Օրհնյալ է Ռուսաստանի և Հայաստանի ժողովուրդների դարավոր բարեկամությունը» հուշարձանը
Տեսակ	հուշարձան
Քանդակագործ	Ֆրիդրիխ Սողոյան, Վահո Սողոյան
Ճարտարապետ	Ռազմիկ Մանուկյան, Տիգրան Մանուկյան
Երկիր	Ռուսաստան
Քաղաք	Մոսկվա Երևան
Բնակավայր	Մոսկվա
Շինության ձև	Քանդակ
Նյութ	գրանիտ
Ներկա վիճակ	Կանգուն

«Օրհնյալ է Ռուսաստանի և Հայաստանի ժողովուրդների դարավոր բարեկամությունը» (ռուս.՝ «Благословенна в веках дружба народов России и Армении», հեղինակային անվանումը՝ «Միացյալ խաչ»), Հայաստանի և Ռուսաստանի քրիստոնյա ժողովուրդների բարեկամության հուշարձան Ռուսաստանի Դաշնության մայրաքաղաք Մոսկվայում։ Հուշարձանը ներկայացնում է հայ և ռուս ժողովուրդները խորհրդանշող երկու կանանց, որոնք գլուխ են խոնարհել ընդհանուր հավատի խորհրդանիշ խաչի առջև և այդ խոնարհումով միաժամանակ պաշտպանում են խաչը։ Գրանիտե հուշարձանի հեղինակներն են Ֆրիդ Սողոյանը և Վահե Սողոյանը ճարտարապետ Ռազմիկ Մանուկյանի, Տիգրան Մանուկյանի համատեղ աշխատանքով։

Պատմություն

Հուշարձանը 1997 թվականին Մոսկվային է նվիրել Հայաստանը՝ քաղաքի 850-ամյա հոբելյանի առթիվ։ Արձանը տեղադրվել է Մոսկվայի կենտրոնում՝ Նիկիտյան դարպասների հրապարակում և դարձել է հայ և ռուս ժողովուրդների բարեկամության խորհրդանիշ։ Այն բացվել է 1997 թվականի օգոստոսի 29-ին։ Պատվանդանի վրա փորագրված է^[1].

Օրհնյալ է հայ և ռուս ժողովուրդների դարավոր բարեկամությունը։

Պատվանդանի փորագրությունն օրհնել է Համայն Ռուսիո պատրիարք Ալեքսի Երկրորդը^[1]։

Հուշարձանի կառուցումը հովանավորել են մոսկվայաբնակ Սերգեյ Համբարձումյանը և Մակար Նահապետյանը^[1]։

2013 թվականի դեկտեմբերի 2-ին Երևանի Օղակաձև զբոսայգու Մոսկովյան-Նալբանդյան-Իսահակյան փողոցներով պարփակված տարածքում հանդիսավորությամբ բացվել է նույն հուշարձանի կրկնօրինակը, որը Երևանում կոչվում է հեղինակային անունով՝ «Միացյալ խաչ»^[1]։

Ծանոթագրություններ

↑ ^1,0 ^1,1 ^1,2 ^1,3 «Նախագահը ներկա է գտնվել «Միացյալ խաչ» հուշարձանի բացման արարողությանը».

Արտաքին հղումներ

«Памятник Благословенна в веках дружба народов России и Армении». www.mosgid.ru. Վերցված է 2014 թ․ հուլիսի 20-ին.

[aysor-1] 1,0 ^1,1 ^1,2 ^1,3 «Նախագահը ներկա է գտնվել «Միացյալ խաչ» հուշարձանի բացման արարողությանը».

[1]