Քրիսի Հայնդ (անգլ.՝ Chrissie Hynde, սեպտեմբերի 7, 1951(1951-09-07)[4][5][6], Ակրոն, Օհայո, ԱՄՆ), ամերիկացի երգչուհի, կոմպոզիտոր, երգերի հեղինակ, կիթառահար, ավելի հայտնի ինչպես The Pretenders[7] խմբի վոկալիստ։ Համարվում է այդ խմբի միակ հիմնական անդամը, որը մնացել է մինչև վերջ։ Քրիսի Հայնդը համարվում է պատմության մեջ երաժշտության ասպարեզում հազվադեպ հանդիպող կին ղեկավար։ Քննադատների կարծիքով նա հայտնաբերել է մի նոր ոճ փանք ռոքում և 1980-ական թվականների երաժշտության «նոր ալիքում»՝ ունենալով էական ազդեցություն երաժշտության բնագավառում։ 2004 թվականին ընդունել է Rolling Stone ամսագրի առաջարկությունը և ընդգրկվել է բոլոր ժամանակների 50 լավագույն արտիստները ցանկում։
1983 թվականին ծնվեց Հայնդի և The Kinks խմբի անդամի՝ Ռեյ Դեվիսի աղջիկը։ Simple Minds խմբի վոկալիստ Ջիմ Քերի հետ ամուսնությունից նա ունեցել է մեկ աղջիկ։ 1997 թվականին երգչուհին վերականգնել է ամուսնական հարաբերությունները։ Երգչուհու երրորդ ամուսինն էր նկարիչ և քանդակագործ Լուչո Բրիեվը։ Ընտանեկան հարաբերությունները խզվեցին 2002 թվականին։ Քրիսի Հայնդը հայնտի ակտիվիստ է համարվում կենդանիների պահպանման և բուսակերների[8] հետևողականության բնագավառներում։
Նկարահանվել է «Ընկերներ» սերիալի երկրորդ սեզոնի 6-րդ սերիայում, որպես երգչուհի։ Նա խաղում էր պրոֆեսիոնալ կիթառահարի դերը՝ Ստեֆանի Շիֆեր անվանումով, ով հրավիրված էր ֆիբիի փոխարեն, ում երգերը չէր սիրում Կենտրոնական սրճարանի ղեկավարը։
2007 թվականի նոյեմբերին Հայնդը բացում է իր սեփական, բուսակերների համար նախատեսված ռեստորանը, որը կոչվում էր «The VegiTerranean»։ Այն փակվել է 2011 թվականի հոկտեմբերին։ Ինքը՝ Քրիսի Հայնդը մեկնաբանել է որպես «բացասական տնտեսական միջավայր»[9]։
ԱՄՆ, Ակրոն
Chrissie Hynde Վիքիպահեստում
