Քլորատներ

Քլորատ անիոնի կառուծվածքային բանաձևը

Քլորատ անիոն

Քլորատներ, քլորական թթվի՝ НСlO₃, աղերը։ Քիմիական բանաձև՝ (ClO₃)⁻։ Մեծ մասամբ կայուն, ջրում լուծելի բյուրեղական նյութեր են։ Տաքացնելիս քայքայվում են, կատալիզատորների առկայությամբ՝ O₂ անջատելով։ օքսիդիչներ են, օրգանական և այլ հեշտ օքսիդացող նյութերի հետ առաջացնում են պայթուցիկ խառնուրդներ։ Կալիումի քլորատը (բերտոլետյան աղ)՝ КСlO₃, օգտագործվում է լուցկու և պայթուցիկ նյութերի, նատրիումի քլորատը (NaClO₃)՝ այլ քլորատների և պերքլորատների արտադրության համար։ Կալցիումի քլորատը՝ Са(СlO₃)₂, օգտագործվում է որպես հերբիցիդ և տերևաթափ միջոց, մագնեզիումի քլորատը՝Mg(ClO₃)₂՝, բամբակենու տերևները հեռացնելու, նաև արևածաղկի, բրնձի և այլ կուլտուրաների նախաբերքահավաքային չորացման համար։

Ստացումը

• Մետաղական հիդրոքսիդների քլորացում (տաք լուծույթով).

${\mathsf {3Cl_{2}+6KOH\rightarrow KClO_{3}+5KCl+3H_{2}O}}$

• Քլորատների ռեաակցիաների փոխանակումը մեկ այլ աղերով
• Մետաղական քլորիդների էլեկտրտաքիմիական օքսիդացումը ջրային լուծույթներում

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։