Տառեխ (Chalcalburnus tarichi), Վանա տառեխ, ծածանների ընտանիքի տառեխների սեռի ձուկ։ Մարմինը երկարավուն է (երկարությունը 5 անգամ մեծ է բարձրությունից), հասնում է մինչև 233 մմ։ Ստորին ծնոտն առաջ է եկած։ Թեփուկների վրա կան մուգ պիգմենտային կետեր։ Բեղիկներ և ճարպալողակ չունի։ Զվադրած էգերի գլուխը և մարմինը ծածկված են բշտիկներով։ Արուները սեռահասուն են դառնում, երբ մարմնի երկարությունը հասնում է 165 մմ-ի, էգերը՝ 195 մմ-ի։ Տարածված է միայն Վանա լճում։ Գարնանը, ապրիլին, ձվադրման համար մեծ քանակությամբ դուրս է գալիս գետերը։ Ձկնորսության օբյեկտ է։ Օգտագործվում է սննդում, գլխավորապես աղած և չորացրած, ինչպես նաև թարմ վիճակում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 592)։
.svg){kind=small}
