Վերոնիկա Զոնաբենդ
Վերոնիկա Ֆելիքսովնա Զոնաբենդ Вероника Феликсовна Зонабенд | |
---|---|
Ծնվել է | փետրվարի 8, 1967 |
Ծննդավայր | Ժուկովսկի |
Կրթություն | Մոսկվայի ավիացիոն ինստիտուտ |
Աշխատանք | UWC Դիլիջան դպրոցի հիմնադիր գործընկեր, տնօրենների խորհրդի նախագահ |
Ամուսին | Ռուբեն Վարդանյան |
Պարգևներ և մրցանակներ | Բարեկամության շքանշան |
Վերոնիկա Ֆելիքսովնա Զոնաբենդ (ռուս.՝ Вероника Феликсовна Зонабенд, փետրվարի 8, 1967, Ժուկովսկի, Մոսկվայի մարզ), հասարակական գործիչ, բարերար, UWC Դիլիջանի միջազգային դպրոցի հիմնադիր գործընկեր, տնօրենների խորհրդի նախագահ[1], «Ավրորա» մարդասիրական նախաձեռնության համահիմնադիր Ռուբեն Վարդանյանի կինը[2]։
Կենսագրություն[խմբագրել | խմբագրել կոդը]
Կրթություն[խմբագրել | խմբագրել կոդը]
Վերոնիկա Զոնաբենդը ծնվել է 1967 թվականին։ 1984 թվականին ավարտել է միջնակարգ դպրոցը։ Բարձրագույն կրթություն է ստացել Մոսկվայի ավիացիոն ինստիտուտում (ՄԱԻ)։ 1994-1995 թվականներին սովորել է Լոնդոնի Տնտեսագիտության և քաղաքագիտության դպրոցում։
Աշխատանքային գործունեություն[խմբագրել | խմբագրել կոդը]
1990 թվականին ավարտել է Մոսկվայի ավիացիոն ինստիտուտը և որպես ինժեներ աշխատանքի անցել Ռուսաստանի Ավիացիոն համակարգերի գիտահետազոտական ինստիտուտում։ 1993-1998 թվականներին աշխատել է բանկային համակարգում։ 1999 թվականին զբաղվել է ձեռնարկատիրական գործունեությամբ՝ ծրագրեր իրականացրել հյուրընկալության, կինոարտադրության բնագավառներում, համագործակցել է «Կոկո Շանել և Իգոր Ստրավինսկի» գեղարվեստական ֆիլմի համատեղ նկարահանմանը, որի ցուցադրությամբ 2009 թվականին փակվել է Կաննի կինոփառատոնը։
Վերոնիկա Զոնաբենդը UWC International ցանցի (Մեծ Բրիտանիա) և Հայաստանի Ամերիկյան համալսարանի հոգաբարձուների խորհրդի անդամ է։ Նա գլխավորում է «Դասավանդիր Հայաստան» (Teach For Armenia) կրթական հիմնադրամի տնօրենների խորհուրդը։ Ամուսնու՝ Ռուբենի Վարդանյանի հետ միասին նրանք հիմնել են RVVZ և IDeA հիմնադրամները։
Վերոնիկա Զոնաբենդը զբաղվում է նաև Ռուբեն Վարդանյանի հիմնադրամի գործունեությամբ։ Հիմնադրամը բարեգործական ծրագրեր է իրականացնում Հայաստանում և Ռուսաստանում[3]։
Ռուբենի Վարդանյանի հետ համատեղ ունեն չորս երեխա[2]։
Պարգևներ[խմբագրել | խմբագրել կոդը]
- 2014 թվականի հոկտեմբերի 3-ին Հայաստանի նախկին նախագահ Սերժ Սարգսյանի հրամանագրով պարգևատրվել է Բարեկամության շքանշանով[4]։
Ծանոթագրություններ[խմբագրել | խմբագրել կոդը]
- ↑ Division, Hex. «Վերոնիկա Զոնաբենդ. «Ամենակարեւորը ոչ թե հաջողակ, այլ երջանիկ լինելն է»». IDeA (անգլերեն). Արխիվացված է օրիգինալից 2019 թ․ հունիսի 29-ին. Վերցված է 2019 թ․ հունիսի 29-ին.
- ↑ 2,0 2,1 «Ով է մեծահարուստ Ռուբեն Վարդանյանի կինը. PHOTO». WNews.am (ամերիկյան անգլերեն). 2015 թ․ հոկտեմբերի 21. Արխիվացված է օրիգինալից 2019 թ․ հունիսի 29-ին. Վերցված է 2019 թ․ հունիսի 29-ին.
- ↑ Division, Hex. «Հիմնադիրները». IDeA (անգլերեն). Արխիվացված է օրիգինալից 2019 թ․ հունիսի 29-ին. Վերցված է 2019 թ․ հունիսի 29-ին.
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». president.am. Վերցված է 2019 թ․ հունիսի 29-ին.