Սպիտակ գիշերվա գույնի լիմուզին
 ռուս.՝ Лимузин цвета белой ночи | |
|---|---|
| Երկիր |  ԽՍՀՄ |
| Ժանր | կինոկատակերգություն[1] և ռոմանտիկ ֆիլմ |
| Թվական | 1981 |
| Լեզու | լատիշերեն և ռուսերեն |
| Ռեժիսոր | Յանիս Ստրեյչ |
| Դերակատարներ | Ուլդիս Դումպիս, Լիլիտա Բերզին, Olga Dreģe?, Բայբա Ինդրիկսոնե, Boļeslavs Ružs?, Գունդարս Աբոլինշ և Diāna Zande? |
| Երաժշտություն | Ռայմոնդ Պաուլս |
| Կինոընկերություն | Ռիգայի կինոստուդիա |
| Տևողություն | 79 րոպե |
«Սպիտակ գիշերվա գույնի լիմուզին» (լատիշ․՝ Limuzīns Jāņu nakts krāsā, բառացի՝ «Յանի գիշերվա գույնի լիմուզին», ռուս.՝ «Лимузин цвета белой ночи»), 1981 թվականի խորհրդային կինոկատակերգություն, որը նկարահանել է ռեժիսոր Յանիս Սթրեյչը[2] Ռիգայի կինոստուդիայում Մարա Սվիրեի սցենարով[3]։ 1981 թվականին ֆիլմն արժանացել է Լատվիայի Լիելայս Կրիստապսի անվան ազգային կինոմրցանակին[4]։ Ֆիլմը ներառված է Լատվիայի Մշակութային կանոնում և ճանաչվել է բոլոր ժամանակների լավագույն լատվիական ֆիլմ՝ ժողովրդական քվեարկության արդյունքներով[5]։ Ամեն տարի հեռուստատեսությամբ ցուցադրվում է ամառային արևադարձի օրը՝ Յանի տոնից առաջ, որը Լատվիայում ազգային տոն է։ Ֆիլմը պատմում է ութսունամյա ծեր կնոջ ժառանգության համար երկու ազգակցական ընտանիքների պայքարի մասին՝ զավեշտական ու ռոմանտիկ իրադարձությունների միջոցով։
Սյուժե
[խմբագրել | խմբագրել կոդը]Մորաքույր Միրտան ապրում է հեռավոր ֆերմայում։ Մի անգամ մանրի փոխարեն տեղական խանութում նրան տալիս են վիճակախաղի տոմս։ Անսպասելիորեն նա շահում է, և տարեց տիկինը միանգամից դառնում է նոր «Ժիգուլու» տիրուհի։
Հյուր են գալիս հարազատները, որոնցից յուրաքանչյուրը երազում է ժառանգություն ստանալ ցանկալի մեքենան։ Էրիկը, որը սկզբում չհայտարարված մրցավազքի առաջատարն է, նահանջում է՝ թեթևամիտ կապի մեջ մտնելով գլխավոր մրցակիցների դստեր հետ։
Մրցանակի հավակնող հարևանները հրաժարվում են պայքարից բարոյական մղումներից ելնելով, և տարեց կինը երկար մտորումներից հետո «Ժիգուլին» տալիս է իր առաջին սիրուն՝ ծեր ամուրի Ֆիգալին[6][7]։
Դերերում
[խմբագրել | խմբագրել կոդը]- Լիլիտա Բերզինյա – Միրտա Կարլովնա Սակնիտե
- Օլգա Դրեգե – Դագնիա
- Ուլդիս Դումպիս – Էրիկ Տուտեր
- Բայբա Ինդրիկսոնե – Օլիտա Սպրեսլինյա
- Բոլեսլավ Ռուժս – Վիկտոր, ավտոբուսի վարորդ
- Լիգա Լիեպինյա – Վերոնիկա
- Ռոմուալդս Անցանս – Յազեպ Գիլուչ
- Գունդարս Աբոլինշ – Ուգիս
- Յանիս Սթրեյչ – Յանիս
- Էվալդս Վալտերս – Ալֆրեդ Միկելևիչ Ֆիգալ
- Դիանա Զանդե – Լասմա Սպրեսլինյա
- Թալիվալդիս Աբոլինշ – Միրտա Կարլովնայի հարևանը
- Վերա Սինգաևսկայա – էպիզոդ
Նկարահանող խումբ
[խմբագրել | խմբագրել կոդը]- Սցենարի հեղինակ՝ Մարա Սվիրե
- Բեմադրող ռեժիսոր՝ Յանիս Սթրեյչ
- Բեմադրող օպերատոր՝ Հարի Կուկելս
- Բեմադրող նկարիչ՝ Վասիլի Մասս
- Կոմպոզիտոր՝ Ռայմոնդ Պաուլս
- Հնչյունային ռեժիսոր՝ Գլեբ Կորոտեև
Ծանոթագրություններ
[խմբագրել | խմբագրել կոդը]- ↑ http://www.imdb.com/title/tt0469785/
- ↑ Rietuma, Dita. «Limuzīns Jāņu nakts krāsā, spēlfilma». letonika.lv (լատվիերեն). Tilde. Վերցված է 2016 թ․ նոյեմբերի 15-ին.
- ↑ Streics, Janis (1981 թ․ ապրիլի 13), A Limousine the Colour of Midsummer's Eve, Lilita Berzina, Olga Drege, Uldis Dumpis, Վերցված է 2018 թ․ հունիսի 12-ին
- ↑ Lielajam Kristapam - 50!
- ↑ Film "A Limousine the Colour of Midsummer's Eve", 1981, by Director Jānis Streičs (1936). Latvian Culture Canon
- ↑ «Limuzīns Jāņu nakts krāsā» (անգլերեն). Valters un Rapa. Արխիվացված է օրիգինալից 2018 թ․ հունիսի 12-ին. Վերցված է 2018 թ․ հունիսի 12-ին.
- ↑ «A LIMOUSINE THE COLOUR OF MIDSUMMER'S EVE». www.bestbaltic.eu (ամերիկյան անգլերեն). Վերցված է 2018 թ․ հունիսի 12-ին.
| ||||||
