Ռազմական ակադեմիա

Աֆղանստանի ազգային ռազմական ակադեմիայի սաները

Կորեայի ռազմական ակադեմիայի ավարտական արարողության ժամանակ

Ռազմական ակադեմիա, բարձրագույն ռազմական ուսումնական հաստատություն։ Մասնագիտացված է բարձրակարգ սպայական, մանկավարժական կադրերի պատրաստման, գիտահետազոտական աշխատանքների իրականացման մեջ։ Ռազմական բուհերի (որոնք հետագայում որոշ երկրներում կոչվեցին ռազմական ակադեմիաներ) առաջացումը վերաբերում է 18-րդ դարի վերջին — 19-րդ դարի սկզբին, երբ Շվեդիայում, Գերմանիայում, Անգլիայում, Ֆրանսիայում, Ռուսաստանում և այլուր ստեղծվեցին բարձրակարգ ռազմական դպրոցներ։

Ռազմական ակադեմիաներ կամ դրանց համապատասխան ուսումնական հաստատություններ գործում են Լեհաստանում, Չեխոսլովակիայում, Ֆրանսիայում, Մեծ Բրիտանիայում, Գերմանիայում, ԱՄՆ-ում և այլուր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։