Հին սանդուղք

Հին սանդուղք
Տեսակ	կարճամետրաժ մուլտիպլիկացիոն ֆիլմ
Ժանր	սյուրռեալիզմ
Ռեժիսոր	Ալեքսանդր Գորլենկո
Սցենարիստ	Ալեքսանդր Գորլենկո
Օպերատոր	Քաբուլ Ռասուլով
Երկիր	ԽՍՀՄ
Ընկերություն	Սոյուզմուլտֆիլմ
Տևողություն	408 վայրկյան
Թվական	1985

«Հին սանդուղք» (ռուս.՝ «Старая лестница»), խորհրդային կարճամետրած մուլտիպլիկացիոն ֆիլմ, որը 1985 թվականին ստեղծվել է ռեժիսոր Ալեքսանդր Գորլենկոյի կողմից «Սոյուզմուլտֆիլմ» ստուդիայում՝ Իրինա Պիվովարովայի բանաստեղծության հիման վրա։

Սյուժե

Տղան փայտե հին սանդուղքով բարձրանում է երկրորդ հարկ, և աստիճանները ճռճռում են նրա ոտքերի տակ։ Աթոռին նստած է խաղալիք Առլեկինը։ Պատուհանից դուրս աղմկում է քամին, և անձրև է տեղում։ Տղան պառկում է մահճակալին ու քնում։ Ճռճռացող սանդուղքով նրա մոտ են գալիս երազները. երաժիշտները, ակրոբատները, ծաղրածուներն ու փղերը ցուցադրում են կրկեսային ներկայացում։ Իսկ առավոտյան տղան արթնանում է ձվածեղի հոտից։

Նկարահանող խումբ

Ռեժիսոր	Ալեքսանդր Գորլենկո
Սցենարի հեղինակ	Ալեքսանդր Գորլենկո
Բեմադրող նկարիչ	Վլադիմիր Զույկով
Նկարիչ-մուլտիպլիկատորներ	Ալեքսանդր Պանով, Վլադիմիր Վիշեգորոդցև, Տեննո Պենտ Սոոստեր, Ալեքսանդր Գորլենկո
Նկարիչներ	Ալլա Գորևա, Օ. Կապրանով, Ն. Երիկալովա
Օպերատոր	Քաբուլ Ռասուլով
Հնչյունային օպերատոր	Վլադիմիր Կուտուզով
Մոնտաժող	Ելենա Բելյավսկայա
Խմբագիր	Տատյանա Պապորովա
Տնօրեն	Լիլիանա Մոնախովա

Վերաթողարկում DVD-ով

Մուլտֆիլմը թողարկվել է DVD-ով «Masters of Russian Animation Volume 3» մուլտֆիլմերի հավաքածուում։ Սկավառակում ընդգրկվել են հետևյալ մուլտֆիլմերը՝ «Հեքիաթների հեքիաթը» (ռուս.՝ «Сказка сказок», 1979), «Որս» (ռուս.՝ «Охота», 1979), «Վերջին որսը» (ռուս.՝ «Последняя охота», 1982), «Կար-չկար մի շուն» (ռուս.՝ «Жил-был пёс», 1982), «Մրջյունի ճանապարհորդությունը» (ռուս.՝ «Путешествие муравья», 1983), «Առյուծ և ցուլ» (ռուս.՝ «Лев и бык», 1983), «Գայլը և հորթը» (ռուս.՝ «Волк и телёнок», 1984), «Балаган» (1981), «Հին սանդուղք» (ռուս.՝ «Старая лестница», 1985), «Թագավորական բուտերբրոդ» (ռուս.՝ «Королевский бутерброд», 1985), «Սիդորով Վովայի մասին» (ռուս.՝ «Про Сидорова Вову», 1985)։

Փառատոններ և մրցանակներ

• 1992 — Շտուտգարտի անիմացիայի փառատոնի դիպլոմ և մրցանակ

Արտաքին հղումներ

• «Հին սանդուղք» մուլտֆիլմը «Անիմատոր.ռու» կայքում
• «Հին սանդուղք» «Հայրենական կինոյի հանրագիտարան» կայքում
• «Հին սանդուղք»(անգլ.) ֆիլմը Internet Movie Database կայքում
•  «Հին սանդուղք»