Տոնածառի գողերը

Տոնածառի գողերը
Տեսակ	մուլտֆիլմ
Ռեժիսոր	Էլվիրա Ավագյան
Սցենարիստ	Անդրեյ Ուսաչով
Երկիր	Ռուսաստան
Ընկերություն	Սոյուզմուլտֆիլմ
Տևողություն	13 րոպե
Թվական	2005

«Տոնածառի գողերը» (ռուս.՝ «Похитители ёлок»), 2005 թվականի ամանորյա մուլտֆիլմ, որն ստեղծել է Էլվիրա Ավագյանի կողմից «Սոյուզմուլտֆիլմ» կինոստուդիայում:

Սյուժե

Տիեզերքի խորքերից կլոր տիեզերանավով գալիս են երեք կանաչ այլմոլորակայիններ։ Իջնելով Երկիր՝ նրանք կանաչ մեծ եղևնու գագաթին տեսնում են պայծառ լուսավորված աստղը և փորձում գողանալ տոնածառը։ Սակայն եղևնին մեծ էր ու աճել էր Ձմեռ պապի տան մոտ, որն արթնանում է ու կախարդում ձնեմարդերի ջոկատը։ Այլմոլորակայինները հեռանում են և տեսնում գունավոր լույսերով զարդարված Էյֆելյան աշտարակը։ Մոտենում են նրա գագաթին ու փորձում գողանալ այն, բայց հասկանում են, որ շատ մեծ է։ Այդտեղից հեռանալուց հետո նրանք հայտնվում են Իտալիայում, որտեղ տեսնում են պատուհաններից դուրս նետվող կահույք ու այլ իրեր։ Աֆրիկայում նրանք տեսնում են, թե ինչպես է Կոկոս պապը պարում երգող երեխաների հետ։ Խույս տալով փղի կնճիթից՝ այլմոլորակայինները շարունակում են իրենց ճանապարհն ու տեսնում Ազատության արձանը։ Փորձում են նրանից գողանալ տոնածառը, սակայն նրանց շրջապատում են ուղղաթիռները, և այլմոլորակայիններ ստիպված են լինում փախչել։ Թռչելով Երկրի շուրջը՝ նրանք ընկնում են Ձմեռ պապի տան մոտ, որը բարձրացնում է տիեզերանավը, տանում տուն ու կախում տոնածառից։ Քանի դեռ Ձմեռ պապը գնացել էր շամպայն բերելու, այլմոլորակայինները հեռանում են՝ տանելով տոնածառն ու կարմիր թաթպանիկը։ Ձմեռ պապը եզրակացություն է անում. «Տոնածառը գողացան։ Շնորհավոր Նոր տարի»։ Իսկ այլմոլորակայիններն արդեն տիեզերքում պարում էին տոնածառի շուրջն ամանորյա ուրախ երաժշտության ներքո։

Ստեղծողներ

• Սցենարի և երգերի տեքստերի հեղինակ՝ Անդրեյ Ուսաչյով
• Ռեժիսոր՝ Էլվիրա Ավագյան
• Բեմադրող նկարիչ՝ Ա. Մարտինով
• Երգ՝ Ալեքսանդր Պինեգին, Մակսիմ Դունաևսկիյ,Լ.Բեկման
• Գործիքավորողներ՝ Մ.Սամոյլով, Ա. Պինեգին
• Երգերը կատարում են՝ Յուրիյ Գալցև, Լարիսա Բռոխման, Ալեկսանդր Պինեգին, Օլգա Շորոխովա, Ս. Կարատևա և «СветАфор» մանկական երգչախումբ
• Նկարիչ-անիմատորներ՝ Դմիտրի Կուլիկով, Ալեքսանդր Լևչիկ, Ալեքսանդր Պանով, Ե. Գրոշևա, Յու. Եֆրեմովա, Մարիա Պարֆենովա, Ե. Գրուշինա, Ն. Ֆեդոտովա, Սերգեյ Ուրուսով
• Նկարիչ՝ Ելիզավետա Ժարովա
• Մոնտաժող՝ Օլգա Վասիլենկո
• Հնչյունային օպերատոր՝ Անդրեյ Զինին
• Կոմպոուզինգ և հատուկ էֆեկտներ՝ Սերգեյ Ուրուսով, Մարիա Ուրուսովա, Տ. Սիչևա
• Խմբագիր՝ Տատյանա Պապորովա
• Տնօրեն՝ Ս. Խորով
• Պրոդյուսեր՝ Հակոբ Կիրակոսյան

Ստեղծողների ցանկը կազմվել է ըստ մուլտֆիլմի տիտրերի:

Գրականություն

• Усачёв Андрей Дело было в Новый год (стихи и песни). — М.: Рипол-Классик, 2015. — 40 с. — ISBN 978-5-386-08821-7

Արտաքին հղումներ

• «Տոնածառի գողերը» մուլտֆիլմը «Անիմատոր.ռու» կայքում