Մարո Մարգարյան

Մարո Մարգարյան (1915, դեկտեմբերի 22 - 1999, հունվարի 29) — հայ բանաստեղծուհի, թարգմանչուհի , ՀԽՍՀ պետական մրցանակի դափնեկիր (1983, «Նվիրումներ» բանաստեղծությունների ժողովածուի համար), Ավետիք Իսահակյանի անվան մրցանակի 1981-ի դափնեկիր («Նվիրումներ» բանաստեղծությունների ժողովածուի համար), ԽՍՀՄ գրողների միության անդամ 1937-ից, աստղագետ Բենիամին Մարգարյանի քույրը։

Ծնվել է Շուլավեր (այժմ` Շահումյան ավան` Վրաստանի Մառնեուլի շրջանում)։ Միջնակարգ կրթությունն ստացել է ծննդավայրում։ 1938-ին ավարտել է ԵՊՀ բանասիրական ֆակուլտետը։ Այնուհետև սովորել է ԽՍՀՄ ԳԱ հայկական մասնաճյուղի ասպիրանտուրայում։ Նրա առաջին բանաստեղծությունը տպագրվել է 1935-ին։ 1967-84-ին աշխատել է Սփյուռքահայության հետ մշակութային կապի կոմիտեում։

Մ. Մարգարյանի բանաստեղծությունների հիմնական թեման հայրենիքն է, սերը, մարդկային փոխհարաբերությունները։ Մ. Մարգարյանի բանաստեղծությունները թարգմանվել և առանձին գրքերով լույս են տեսել ռուսերեն։

1985-ին պարգևատրվել է Ժողովուրդների բարեկամության շքանշանով։

Մահացել է Երևանում, թաղված է Բյուրականում։

Մարո Մարգարյանի երկերի մատենագրություն

• Մտերմություն (բանաստեղծություններ), Ե., Հայպետհրատ, 1940, 55 էջ։
• Բանաստեղծություններ, Ե., Հայպետհրատ, 1945, 80 էջ։
• Մոր ձայնը (բանաստեղծություններ), Ե., Հայպետհրատ, 1951, 131 էջ։
• Փշատենի (բանաստեղծություններ), Ե., Հայպետհրատ, 1954, 162 էջ։
• Լիրիկական լուսաբաց (բանաստեղծություններ), Ե., Հայպետհրատ, 1957, 331 էջ։
• Սովետահայ գրականության ընտիր էջեր։ Պոեզիա (գրքում տեղ են գտել նաև Մ. Մարգարյանի մի քանի բանաստեղծություններ), Ե., Հայպետհրատ, 1960, 480 էջ։
• Լիրիկա, Ե., Հայպետհրատ, 1962, 322 էջ։
• Ձնհալից հետո (բանաստեղծություններ), Ե., «Հայաստան», 1965, 252 էջ։
• Լցված լռություն (բանաստեղծություններ), Ե., «Հայաստան», 1972, 152 էջ։
• Օրերի խորքից (բանաստեղծություններ), Ե., «Հայաստան», 1975, 452 էջ։
• Բանաստեղծություններ, Ե., «Սովետական գրող», 1978, 424 էջ։
• Նվիրումներ (բանաստեղծություններ), Ե., «Սովետական գրող», 1982, 156 էջ։
• Բանաստեղծություններ, Ե., «Սովետական գրող», 1984, 324 էջ։
• Սիրո երգեր, Ե., «Սովետական գրող», 1984, 164 էջ։
• Հատընտիր, Ե., «Սովետական գրող», 1985, 544 էջ։

Մարո Մարգարյանի կատարած թարգմանությունները (ռուսերենից)

• Շեֆը։ Պատմվածքներ, Ե., Հայպետհրատ, 1943, 96 էջ։
• Սերգեյ Միխալկով, Այնտեղ, ուր ապրում ես դու, Ե., Հայպետհրատ, 1943, 8 էջ։
• Սերգեյ Միխալկով, Մանուկների համար (թարգմանեցին Գևորգ Էմինը և Մ. Մարգարյանը), Ե., Հայպետհրատ, 1949, 67 էջ։
• Պավլո Տիչինա, Հատընտիր (մի մասը թարգմանել է Մ. Մարգարյանը), Ե., Հայպետհրատ, 1950, 152 էջ։
• Արևին ընդառաջ։ Ուկրաինական մանկագիրների երկերի ժողովածու (մի մասը թարգմանել է Մ. Մարգարյանը), Ե., Հայպետհրատ, 1951, 172 էջ։
• Ստեփան Շչիպաչյով, Պավլիկ Մորոզով, Ե., Հայպետհրատ, 1953, 64 էջ։
• Ուկրաինական քնար (ժողովածուի մի մասը թարգմանել է Մ. Մարգարյանը), Ե., Հայպետհրատ, 1954, 406 էջ։
• Իոսեբ Գրիշաշվիլի, Բանաստեղծություններ (մի մասը թարգմանել է Մ. Մարգարյանը), Ե., Հայպետհրատ, 1956, 112 էջ։
• Վերա Զվյագինցևա, Ձմեռային աստղ (բանաստեղծություններ, որոնց մի մասը թարգմանել է Մ. Մարգարյանը), Ե., Հայպետհրատ, 1960, 60 էջ։
• Վրաց գրականության ընտիր էջեր (մի մասը թարգմանել է Մ. Մարգարյանը), Ե., Հայպետհրատ, 1961, 648 էջ։
• Ընտիր էջեր ռուս սովետական պոեզիայի։ Ժողովածու (մի մասը թարգմանել է Մ. Մարգարյանը), Ե., Հայպետհրատ, 1963, 543 էջ։
• Չեխ և սլովակ բանաստեղծներ (ժողովածուի մի մասը թարգմանել է Մ. Մարգարյանը), Ե., «Հայաստան», 1966, 238 էջ։
• Լեսյա Ուկրաինկա, Լիրիկա (մի մասը թարգմանել է Մ. Մարգարյանը), Ե., «Հայաստան», 1971, 119 էջ։
• Համաստեղություն։ Ռուս և եղբայրական մյուս հանրապետությունների բանաստեղծների ատեղծագործությունները հայ բանաստեղծների թարգմանությամբ (մի մասը թարգմանել է Մ. Մարգարյանը), Ե., «Սովետական գրող», 1978, 272 էջ։
• Գրիգոլ Աբաշիձե, Ծովը և ծիծեռնակը (բանաստեղծություններ, որոնց մի մասը թարգմանել է Մ. Մարգարյանը), Ե., «Սովետական գրող», 1978, 165 էջ։
• Պավլո Տիչինա, Բանաստեղծություններ (մի մասը թարգմանել է Մ. Մարգարյանը), Ե., «Սովետական գրող», 1980, 167 էջ։
• 20-րդ դարասկզբի ռուսական բանաստեղծություն (ժողովածուի մի մասը թարգմանել է Մ. Մարգարյանը), Ե., Երևանի համալսարանի հրատարակչություն, 1982, 536 էջ։

Գրականություն Մ. Մարգարյանի և նրա ստեղծագործության մասին

• Ֆելիքս Բախչինյան, Կարոտի թագավորություն, Ե., 2003։
• Նաիրա Համբարձումյան, Մարո Մարգարյանի քնարերգությունը, Ե., 2003։

Արտաքին հղումներ

Վիքիքաղվածքն ունի քաղվածքների հավաքածու, որոնք վերաբերում են

Մարո Մարգարյան հոդվածին