Էրիկ Հարությունյան

Էրիկ Երվանդի Հարությունյան (ծնված սեպտեմբերի 9, 1933, Թիֆլիս), հայ կոմպոզիտոր։ Ավարտել է Թբիլիսիի կոնսերվատորիան (1957, դասատուներ՝ Ս. Բարխուդարյան, Ա. Բալանչիվաձե)։ 1968-ից դասավանդում է Երևանի պետական կոնսերվատորիայում։ Գրել է օպերա («Հեքիաթ մեծերի համար», ըստ Հովհաննես Թումանյանի «Մի կաթիլ մեղրը» բալլադի, բեմադրում` 1970, Համամիութենական մրցույթի 1-ին կարգի դիպլոմ, Մոսկվա, 1970), հինգ սիմֆոնիա, կոնցերտ-պոեմ ջութակի և նվագախմբի համար, դաշնամուրի և նվագախմբի, փողի և նվագախմբի, գալարափողի և նվագախմբի, ջութակի և նվագախմբի կոնցերտներ, օրատորիա («Հայրենիք», խոսք՝ Գ. Բանդուրյանի), գործիքային, խմբերգային երկեր, ռոմանսներ ևն։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։