Սուրբ Աստվածածին եկեղեցի (Ավետարանոց)
| Սուրբ Աստվածածին եկեղեցի | |
|---|---|
.jpg) | |
| Հիմնական տվյալներ | |
| Երկիր |  Արցախ |
| Դավանանք | Հայկական առաքելական |
| Թեմ |  Արցախի թեմ |
| Ներկա վիճակ | Բարվոք |
| Ժառանգության կարգավիճակ | Այո |
| Ճարտարապետական տիպ | Հայկական |
| Ճարտարապետական ոճ | Եռանավ բազիլիկ |
| Կառուցման ավարտ | 1651թ. |
| Շինանյութ | Քար |
Սուրբ Աստվածածին եկեղեցի, հայկական առաքելական եկեղեցի Արցախի Հանրապետության Ասկերանի շրջանի Ավետարանոց գյուղի կենտրոնում՝ ցածրադիր տեղանքում[1]։ Կառուցվել է 1651 թվականին[1][2]
Ճարտարապետություն
[խմբագրել | խմբագրել կոդը]Սուրբ Աստվածածին 27.35x15.30 մ չափերով բարձր, ընդարձակ, երկարավուն թաղակապով եռանավ բազիլիկ է՝ կառուցված սրբատաշ և կոպտատաշ քարերով։ Ներսի չորս շքեղ սյուները, բեմի երկու կողմերում՝ խորանների մուտքերի վրայի օթյակներն ու ճարտարապետական այլ հետաքրքիր լուծումներ ընդգծում են կառուցվածքի ներքին հորինվածքի արտահայտչականությունը[1]։
Եկեղեցական մատյաններ և մասունքներ
[խմբագրել | խմբագրել կոդը]Սուրբ Աստվածածին եկեղեցում են գտնվել բազմաթիվ գրչագրեր, մագաղաթյա ավետարաններ, խաչեր և այլ արժեքավոր եկեղեցական իրեր, որոնք թվագրվում են 1671, 1661, 1650, 1659 թվականներով։ Մի շարք գրչագիր ավետարաններ գրվել են Ավետարանոցի գրչատանը[1]։