Սիգուենսայի ամրոց
Նկարագրություն | |
Տեսակ | դղյակ |
Տեղագրություն | Կենտրոնական Իսպանիա, Գուադալարախայի շրջան, Սիգուենսա |
Վարչական միավոր | Սիգուենսա |
Երկիր | Իսպանիա |
Շինանյութ | Սպիտակ քար |
Բարձրություն | 1000 մ ծովի մակարդակից |
Ճակատամարտեր | Պատերազմ Իսպանական ժառանգության համար |
Castle of Sigüenza Վիքիպահեստում |
Սիգուենսայի ամրոց (իսպ.՝ Castillo de los Obispos de Sigüenza), ամրոց Իսպանիայում, գտնվում է Սիգուենսայում, Գվադալախարայի շրջան, Կենտրոնական Իսպանիա, ծովի մակարդակից մոտ 1000 մետր բարձրության վրա։
Ամրոցը կառուցված է սպիտակ քարից՝ Ալ-Անդալուզյան ժամանակաշրջանի արաբական ամրոցի տեղում, ենթադրաբար՝ 12-րդ դարի սկզբում։ Քրիստոնյաների կողմից Պիրենեյան թերակղզու ազատագրումից հետո այն դարձել է Սիեգուենսայի եպիսկոպոսների նստավայրը մինչև 1978 թվականը։ Ամրոցը 13-ից 18-րդ դարերում բազմիցս տուժել է պատերազմներից։ 1297 թվականին ամրոցը գրավել են Դե լա Սերդաների կողմնակիցները, ամրոցը հիշատակվում է նաև Կաստիլական քաղաքացիական պատերազմի տարեգրությունում։ 1811 թվականին, առաջին Կարլիստական պատերազմի և 1930-ական թվականների քաղաքացիական պատերազմների ժամանակ ամրոցը գրեթե ավերվել է, սակայն Երկրորդ համաշխարհային պատերազմից հետո վերականգնվել է։
1972 թվականի վերակառուցումից հետո ամրոցի պարագիծը կազմեց շուրջ 400 մ, իսկ ամրոցը վերածվել է Պարադորի՝ հյուրանոցի պատմական շենքում։ Ամրոցի վերակառուցումը սկսվել է 1964 թվականին և ավարտվել 1976 թվականին, ճարտարապետը Խոսե Լուիս Պիկարդոն է։ Պաշտոնական բացումը տեղի է ունեցել 1978 թվականին, որին մասնակցել են նաև Իսպանիայի թագավոր Խոան Կարլոսը և թագուհի Սոֆիան։
Պատմություն[խմբագրել | խմբագրել կոդը]
Ամրոցն ունի Կելտիբերիական ծագում, ովքեր հաստատվել են գետի ափին դեռևս մեր թվարկությունից առաջ։ 5-րդ դարում Վեստգոթերը փոքրիկ ամրոց են կառուցել քաղաքի մոտ։
8-րդ դարում Մավրերը՝ Լեոնի և Կաստիլիայի քրիստոնյա արքաների վրա հարձակումներ գործելու համար կառուցել են մեծ ուժեղացված ամրոց։
15-րդ դարում ամրոցը ամրապնդվում է եպիսկոպոսության կողմից և քաղաքը պաշտպանում Նավարի ու Արագոնի հարձակումներից։
18-րդ դարում Եսպիսկոպոս Խուան Դիաս դե լա Գերրան ամրոցը ռազմական կառույցից վերածեց եպիսկոպոսական պալատի։ Սակայն 1808 թվականին, Իսպանիայի անկախության պատերազմի ժամանակ ամրոցն ընկել է ֆրանսիացիների ձեռքը, ովքեր լուրջ վնաս են հասցրել կառույցին և թալանել դրա ողջ ունեցվածքը, մինչև այն վերադարձվեց Էլ Էնպեսինադոյի կողմից։ Եպիսկոպոսական պալատը 1830 թվականին լուրջ վնասվեց հրդեհից և լքվեց։
Պատկերասրահ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Սիգուենսայի ամրոցը Արխիվացված 2014-04-26 Wayback Machine
- Parador de Sigüenza Արխիվացված 2013-02-04 Wayback Machine
Ծանոթագրություններ[խմբագրել | խմբագրել կոդը]
- "Sigüenza And Its Parador" Արխիվացված 2016-03-03 Wayback Machine (PDF). Paradores. Retrieved 26 September 2014.
- "Castillo de Sigüenza" Արխիվացված 2016-03-03 Wayback Machine (in Spanish). Turismo Castilla-La Mancha. Retrieved 25 September 2014.
- "Its history, its legens and its curiosities" Արխիվացված 2016-03-04 Wayback Machine (in Spanish). The Castle of Sigüenza. Retrieved 25 September 2014.
- "Parador Hotel Siguenza". ParaPromotions. Retrieved 26 September 2014.
Վիքիպահեստն ունի նյութեր, որոնք վերաբերում են «Սիգուենսայի ամրոց» հոդվածին։ |
|