Սթիգ Հենրիք Հոֆ
 նորվ.՝ Stig Henrik Hoff | |
|---|---|
 | |
| Ծնվել է | փետրվարի 4, 1965[1][2] (59 տարեկան) |
| Ծննդավայր | Վադսյո, Ֆինմարք, Նորվեգիա |
| Քաղաքացիություն |  Նորվեգիա |
| Մասնագիտություն | դերասան և հեռուստատեսային դերասան |
| Ծնողներ | հայր՝ Trygve Hoff? |
| Ամուսին(ներ) | Sølje Bergman? |
| Պարգևներ և մրցանակներ | |
| hoffern.com | |
Սթիգ Հենրիք Հոֆ (նորվ.՝ Stig Henrik Hoff, փետրվարի 4, 1965[1][2], Վադսյո, Ֆինմարք, Նորվեգիա), նորվեգացի կինոյի, թատրոնի և հեռուստատեսության դերասան։
Կենսագրություն և կարիերա
[խմբագրել | խմբագրել կոդը]Սթիգ Հենրիք Հոֆը ծնվել է 1965 թվականի փետրվարի 4-ին Հյուսիսային Նորվեգիայի Ֆինմարք ֆյուլքեի Վադսյո քաղաքում։ Ընտանիքը որոշ ժամանակ ապրել է նաև Բերլևոգում[3]։ Երբ ապագա դերասանը դարձավ յոթ տարեկան, ընտանիքի հետ միասին տեղափոխվեց Հարավային Նորվեգիա։ Սկզբում ընտանիքը ապրեց Դարբուում, իսկ ավելի ուշ Դրամմենեում[4]։ Այստեղ Սթիգ Հենրիք Հոֆը սովորում է խոհարարություն։ Երիտասարդ տարիներին Հոֆը նվագում էր հարվածային գործիքներ մի շարք երաժշտական համույթներում[4][5]։
Նախքան դերասան դառնալը Սթիգ Հենրիք Հոֆը աշխատանքի անցավ Քրոքստադելվիեում որպես եռակցող մասնագետ իսկ հետո նաև շեֆ-խոհարար Բագատելեի ռեստորանում , որը մայարքաղաք Օսլոյում էր[4]։ Սթիգ Հենրիք Հոֆի դեբյուտը ֆիլմում տեղի ունեցավ 1991 թվականին, երբ խաղաց ռեժիսոր Սիգվե Էնդրեսենի (նորվ.՝ Sigve Endresen) «Փոխնակները» ֆիլմում։ Այդ պահից սկսած դերասանի մոտ սկսվեց աստեղային ժամը և նկարահանվեց նորվեգական կինեմատոգրաֆիայի մի շարք ֆիլմերում։ Կինոյից զատ դերասանը նաև համագործակցում է թատրոնների հետ, մասնավորապես «Riksteatret» թատրոնի (ազգային շրջիկ թատրոն)[6] և «Grenland Friteater» (անկախ թատրոն Փորսգրունն քաղաքում)[7] թատրոնի հետ։
«Սառնամանիքից կիզվածը» ֆիլմում նկարահանվելու համար Սթիգ Հենրիք Հոֆին առաջադրեցին «Ամանդա» մրցանակի, որը Օսկարի նորվեգական համարժեքն է[3]։ Դերասանը հաղթեց որպես լավագույն դերասան Ռուանի Սկանդինավյան ֆիլմերի փառատոնի (1998 թվական)[8] ժամանակ։
Սթիգ Հենրիք Հոֆն ամուսնացած է և ունի չորս դուստր։ Երկու ավագներ՝ Մյուն և Ավրորան (նորվ.՝ My, Aurora) արդեն չափահաս տարիքի են, առաջին ամուսնությունից են ծնվել[9], իսկ երկու փոքրերը՝ Լիլի Մաքսիները (ծնված 2008 թվին) և Ռոզալինդը (ծնված 2009 թվականին) (նորվ.՝ Lily Maxine, Rosalind) երկրորդ ամուսնությունից են լույս աշխարհ եկել։ Երկրորդ կինը դերասանուհի Սյոլյե Բերգմանն է (նորվ.՝ Sølje Bergman)[4][10]: Երեխաներից Ռոզալինդի կնքահայրը դարձավ նորվեգացի հայտնի դերասան Աքսել Հենին[9]։
Ֆիլմագրություն
[խմբագրել | խմբագրել կոդը]Ներկայացված են միայն լիամետրաժ գեղարվեստական կինոնկարները։
| Տարեթիվ | Հայերեն անվանում | Բնօրինակ անվանում | Հերոս |
|---|---|---|---|
| 1991 | Փոխնակները | Byttinger | G.T. |
| 1997 | Փրկություն | Livredd | |
| Սառնամանիքից կիզվածը | Brent av frost a.k.a. Burnt by Frost |
Սիմոն | |
| 1998 | Արյունոտ հրեշտակները | 1732 Høtten a.k.a. Bloody Angels |
Դուեյն |
| 2000 | - | Når mørket er forbi a.k.a. Passing Darkness |
Յոզեֆ Օմգանգ |
| Հպարտություն | Hovmod | ||
| 2003 | Նորդկապ | Capo Nord | |
| Ֆիան և ծաղրածուները | Fia og klovnene | ||
| 2004 | նա, ով վախենում է գայլերից | Den som frykter ulven | Մորգան |
| Հավայներ, Օսլո | Hawaii, Oslo | Ֆրոդե | |
| 2006 | Ընկեր Պեդերսենը | Gymnaslærer Pedersen | Յան Կլոստադ |
| Հրաշք | Mirakel | Հելլ | |
| 2008 | Ապստամբություն Կաուտոկենոյում | Kautokeino-opprøret | Սթոքֆլեթի օգնականը |
| Գայլի գիշերը | Ulvenatten | Վիդար Բյո | |
| Անհանգիստ ջուրը | DeUsynlige | Բանտի հոգևորական | |
| Մաքս Մանուս | Max Manus | ||
| 2011 | Ոչինչը | The Thing | Պեդեր |
| 2012 | Սպիտակ գերության մեջ | Into the White |
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ 2,0 2,1 Store norske leksikon(նորվ.) — 1978. — ISSN 2464-1480
- ↑ 3,0 3,1 «Biography» (նորվեգերեն) — Биография актёра на официальном сайте. Արխիվացված օրիգինալից 2012 թ․ հուլիսի 11-ին. Վերցված է 2011 թ․ հունվարի 15-ին.
- ↑ 4,0 4,1 4,2 4,3 Hanne M. Austad. (06.12.2009). «Tusenkunstneren Stig Henrik Hoff» (նորվեգերեն). «Drammens Tidende». Արխիվացված օրիգինալից 2012 թ․ հուլիսի 11-ին. Վերցված է 2011 թ․ հունվարի 15-ին.
- ↑ Стиг Хенрик Хофф на IMDb: Trivia
- ↑ «Riksteatret» — Официальный сайт театра. Արխիվացված օրիգինալից 2012 թ․ օգոստոսի 9-ին. Վերցված է 2011 թ․ հունվարի 15-ին.
- ↑ «Grenlandfriteater» — Официальный сайт театра. Արխիվացված օրիգինալից 2012 թ․ հուլիսի 11-ին. Վերցված է 2011 թ․ հունվարի 15-ին.
- ↑ «Festival Cinema Nordique» — Официальный сайт фестиваля. Արխիվացված օրիգինալից 2012 թ․ հուլիսի 11-ին. Վերցված է 2011 թ․ հունվարի 15-ին.
- ↑ 9,0 9,1 Merete Holtan. — Статья «Семья на первом месте» (08.02.2010). «Familien først» (նորվեգերեն). «Dagbladet». Արխիվացված օրիգինալից 2012 թ․ հուլիսի 11-ին. Վերցված է 2011 թ․ հունվարի 15-ին.
- ↑ Fredrik Furuseth. (28.09.2009). ««Max Manus»-stjerne ble far» (նորվեգերեն). «TV 2 Underholdning». Արխիվացված օրիգինալից 2012 թ․ հուլիսի 11-ին. Վերցված է 2011 թ․ հունվարի 15-ին.
Արտաքին հղումներ
[խմբագրել | խմբագրել կոդը]- Սթիգ Հենրիք Հոֆ (անգլ.) Internet Movie Database կայքում
- Սթիգ Հենրիք Հոֆ ԿինոՊոիսկ կայքում
 | Վիքիպահեստն ունի նյութեր, որոնք վերաբերում են «Սթիգ Հենրիք Հոֆ» հոդվածին։ |
| ||||||||||
